¿Kawkharutï yatiyäwinakajj uchaski ukar uñkatir sarirïtati?
Irpir chuymaninakasa, yanapirinakasa ukat taman yaqha luräwinakanïpki ukanakasa kuna luräwinakapas taman utjki uk yatiñatakejj yatiyäwinak uchaski (tablero de anuncios) ukar uñkatiriw sarapjje, cheqas taqenitakiw aski yatiyäwinakajj ukan utji. Khitinakas Tantachasiñ Uta qʼomachapjjañapa, kuna cartanaksa sucursalasa, jan ukajj tamanak tumptʼir jilatas apayani, ukat Bibliat yateqasipki ukanakar invittʼañatakis taqenitak arstʼäwejj kuna pʼeqeñchäwinïnisa, ukat kuna horas yatiyirejj mistusiskani taqe ukanakaw yatiyäwinak uchaski ukan yatjjatsna. Cheqas taqe ukanakajj janiw tantachäwinakan yatiyasjjeti, ukat irpir chuymaninakas janiw taqpach jilat kullakanakarus yatiyirjamäpkiti. Ukhamajj kawkharutï yatiyäwinakajj uchaski ukar uñkatirejj sarañasapuniwa. Ukhamatwa taqenis ‘maynit maynikam kunsa sum lurapjjañäni’ (1 Cor. 14:40).