Feriado urunakan yatiyapjjañäni

Markpachan feriado urunakajj utjki ukhajja, walja jaqenakaruw utanakapan jikjjatsna. Ukatwa uka urunakan yatiyañajj wali askïspa. Uka urunakan yatiyapjjañapatakiw tamanakar chʼamañchtʼasi. Niyakejjay jaqenakajj uka urunakan mä jukʼampach samartʼapjjchejja, kuna horarutï yatiyir mistuski ukjja, mayjtʼayasispawa. Ukat kunanakay mayjtʼayaschini ukjja, Yatiyañataki Tantachäwinwa yatiyasispa ukat jilat kullakanakarus yatiyir mistupjjañapatak chʼamañchtʼasirakispawa. Cheqas ukürunakajja jiwasas samartʼaraktanwa jan ukajj kuna lurañanakatï utjkistu uksa luraraktanwa. Ukampis ¿janit mä qawqha horanak yatiyañatak tiempo apstʼasna? Ukhamatwa Jehová Diosar servisajj kusisit jikjjatasiñäni (Mat. 11:29, 30).