Watchtower INTERNETANKIR BIBLIOTECA
Watchtower
INTERNETANKIR BIBLIOTECA
Aymara
ʼ
  • kʼ
  • tʼ
  • pʼ
  • chʼ
  • qʼ
  • BIBLIA
  • QELLQATANAKA
  • TANTACHÄWINAKA
  • km 11/13 pág. 1
  • Profetanakat yateqasipjjañäni: Oseas

Janiw videojj utjkiti

Disculpapjjeta, janiw aka video uñjañjamäkiti

  • Profetanakat yateqasipjjañäni: Oseas
  • Diosan Apnaqäwipat Yatiyañataki 2013
  • Uka toqet jukʼamp yatjjatañataki
  • Profetanakat yateqasipjjañäni
    Yatiyañataki, Jehová Diosan Apnaqäwipat yatiyaski (taman yatjjatañataki) 2016
Diosan Apnaqäwipat Yatiyañataki 2013
km 11/13 pág. 1

Profetanakat yateqasipjjañäni: Oseas

1. Jehová Diosan munasiñapata ukat khuyapayasiñapat lupʼisajj ¿kuns jisktʼassna?

1 Jehová Diosajj kunja munasirisa ukat khuyapayasirisa ukanakat lupʼisajj inas akham jisktʼastan: ‘¿Kunsa Jupatak luriristjja?’ sasa (Sal. 103:2-4; 116:12). Oseas profetajj munañanakap maysar apanukusaw kuntï Jehová Diosajj siskäna ukarjam taqe chuyma phoqäna. ¿Kunjamsa jupat yateqassna?

2. Jan qarjtas yatiyaskakiñjja, ¿kunjamsa Oseas profetat yateqassna?

2 Jan walinakan uñjasisasa yatiyapuniñäni. Kuntï Oseas profetajj yatiykäna ukajj Israel markan 10 tribunakapatakïnwa. Jupanakatjja, niya taqeniw Diosar jan servipkänti. Jeroboam II reyis Jehová Dios “nayraqatapanjja jan walinak[wa]” luräna. Ukat Jeroboam I reyejj waka qallunakar yupaychañ qalltawaykäna uk Jeroboam II reyejj chʼamañchaskakïnwa (2 Rey. 14:23, 24). Ukat ukjjar apnaqapkäna uka reyinakasa, 10 tribunakas Jehová Diosamp sum apasipjjañapatakejj janiw kuns lurapkänti. Ukat uka markajj 740 nayrïr pacha maranwa tukjatäna. Ukham yaqha diosanakar yupaychir jaqenak taypins jakchïnjja, Oseas profetajj 59 maranakaw Jehová Diosar jan jitheqtas servïna. Ukhamajj jaqenakan jan istʼañ munatasa jan ukajj arknaqatasa ¿Oseas profetjamarakit jan qarjtas yatiyaskakiñäni? (2 Tim. 4:2.)

3. ¿Kunjamsa Oseas profetan sarnaqäwipajj Jehová Diosan khuyapayasiñap uñachtʼayi?

3 Jehová Diosan khuyapayasiñap askirjam uñjañäni. Jehová Diosajj akham sasaw Oseas profetar säna: “Yaqha chachanakampi sarnaqer warmi katusim” sasa (Ose. 1:2). Uka warmipajj Gomer satänwa, jupampejj mä yoqall wawanïpjjänwa; ukat qhepat naskän uka pä wawanakajj inas jan jupankkchïnti. Ukampis jupajj warmipan jan wali luratap perdonänwa. Ukat ukajj kunja khuyapayasiñampis Jehová Diosajj arrepentisit Israel markar perdonäna ukwa uñachtʼayäna (Ose. 3:1; Rom. 9:22-26). Ukhamajj munañanakas maysar apanukusinjja, ¿Jehová Diosajj wali khuyapayasir Diosaw sasin ‘taqe kasta jaqenakar’ (NM) yatichañatak chʼamachassnati? (1 Cor. 9:19-23.)

4. Jehová Diosaru yuspärañatakejja, ¿kunanaksa lursna?

4 Walja jilat kullakanakaw Jehová Diosan arunakap jukʼamp yatiyañatakejj profesionanaka ukat suma trabajonak jaytawayapjje. Ukat yaqhepajj janiw jaqechasipkiti, ukat jaqechatäjjapjje ukanakat yaqhepajj janiw wawanïpkiti. Oseas profetan sarnaqäwipat lupʼisajj inas akham sissna: ‘Nayajj janipuniw jupjam lurkiristti’ sasa. Ukampis jiwasatï Jehová Diosaru khuyapayasiñapat yuspärañäni ukat Jupaw qollan ajayupamp yanaptʼitani sasin confiyañäni ukhajja, Oseas profetarjamaw kunatï jiwasatak chʼamjamäki uk phoqhañatak yanaptʼistani (Mat. 19:26; Fili. 2:13).

    Aymara qellqatanaka (2005-2025)
    Mistuñataki
    Mantañataki
    • Aymara
    • Apayañataki
    • Kunjamtï munkta ukarjam askichañataki
    • Copyright © 2025 Watch Tower Bible and Tract Society of Pennsylvania
    • Ak amtañamapuniwa
    • Aka amtanakanïpjjtwa
    • Configuración de privacidad
    • JW.ORG
    • Mantañataki
    Apayañataki