Jukʼamp sum yatiyañataki: coleratäsipki ukanakar parljjayañjja yatiñasawa
Kunatsa uk lurañajj wakisi. Yatiyktan ukhajja, walja jaqenakajj respetompiw istʼapjjestu. Ukampis yaqhepajj uñisipjjätamwa sasaw Jesusajj arsuwayäna (Juan 17:14). Ukhamajja, jiwasatak colerapjjani ukhajja, janiw mayjtʼasiñasäkiti. Antisas suma arunakampiw parljjayañasa, ukhamatwa Jehová Diosar jachʼañchañäni, kunattejj ukwa Jupajj muni (Rom. 12:17-21; 1 Ped. 3:15). Ukham parljjayañänejja, utanejj janiw colerjjaniti. Antisas jupasa, uñjapkistu ukanakas jiwasat sum parlapjjani. Ukat jilat kullakanakas visittʼapjjani ukhajja, istʼapjjaniwa (2 Cor. 6:3).
Aka phajjsejj ak lurañatak chʼamachasiñäni:
Familjam Diosar yupaychkasaw kunjamsa coleratäsipki ukanakampi parlsna, ukanak yateqañasa.
Coleratäkäna uka utanimpi parlañ tukuyjjasajja, kunjam parltʼañajas jukʼamp askispäna sasaw yatiyir masisar jisktʼañasa.