Tantachasiñ Utanak lurañasa ukat sum uñjañasa wali askiwa

Jehová Diosan templop lurasiñapatakejj walja qollqesa ukat yanaptʼas munaskchïnjja, israelitanakajj taqe chuymaw yanaptʼapjjäna (1Cr 29:2-9; 2Cr 6:7, 8). Qhepatjja, kunjamsa Diosan templop uñjasipkäna ukaw ajay toqen kunjamäsipkänsa uk qhanañchäna (2Re 22:3-6; 2Cr 28:24; 29:3). Jichhürunakanjja, cristianonakajj Tantachasiñ Utanaka, Jachʼa Tantasiñ Utanaka lurañatakejj tiemposampi ukat chʼamasampiw yanaptʼtanjja. Ukanakajja, Diosar yupaychañampi sasirakiwa. Ukham yanaptʼañajj wali khusawa (Sl 127:1; Apo 7:15).

¿KUNJAMS UK LURSNA?

• 

  Tantachäwi tukuyarojj qontʼasktan uka cheqjja, qʼom jaytawayjjañasa.

• 

  Tantachasiñ Uta qʼomachañatak wakichäwirjamaw yanaptʼañasa. Askichaña wakiskani ukhas yanaptʼañasarakiwa. Taqen yanaptʼañäni ukajja, jankʼakiw kuns lurañäni ukat kusisitaw irnaqtʼarakiñäni (lv jana 92 § 18).

• 

  Qollqempiw yanaptʼaraksna. Taman cajanakajj utjki ukar qollqe uchktan ukjja, Jehová Diosajj wali askitwa ukham luratas uñji. ‘Pä jiskʼa qollqekïpasa’ Jupatakejj wali askiwa (Mr 12:41-44).

• 

  Sarirjamäskstan ukhajja, Tantachasiñ Utanaka luririsa, jan ukajj askichiris sarsnawa. Ukar sarañatakejj janiw utanak lurirjam yatjjatatäñajj wakiskapuniti.