Machaq alajjpachampi machaq oraqempi utjatapajj wal kusisiyistu

Diosajj taqe kunwa machaqat lurä sasaw Isaías 65 qellqatan arsuwayi. Ukajj phoqasipuniniwa, ukatwa Diosajj ukanakajj niyas phoqasjjaspa ukham parli.

Jehová Diosaw ‘machaq alajjpachampi machaq oraqempi’ lurani, ukanjja kunatï nayrajj utjkäna ukanakajj janiw amtatäjjaniti

65:17

¿Kunas ‘machaq alajjpachajja’?

• Mä machaq gobiernowa, uka gobiernojj cheqaparjamaw taqe kuns lurani.

• 1914 maran Cristojj Diosan Reinopan reyjam uttʼayatäkäna ukhaw uka gobiernojj apnaqañ qalltawayi.

¿Kunas ‘machaq oraqejja’?

• Diosan Reinopamp apnaqatäñ munapki uka jaqenakawa, jupanakajj taqe markanakata, kunayman arunak parliri, kunayman kast jañchini jaqenakäpjjewa.

‘Kunatï nayrajj utjkäna ukanakajj janiw amtatäjjaniti’ siski uka arunakajj ¿kamsañsa muni?

• Kunanakatï jañchi toqensa amuyunsa tʼaqhesiykistu ukanakajj armatäjjaniwa.

• Diosar taqe chuyma servirinakajj wali kusisitaw jakasipjjani, sapürus jan armkaña wali suma amthaptʼañanakaw utjani.