¿Jumajj wakichtʼatäjjtati?

Jakaskta uka cheqantï jan walinakajj mä akatjamat pasaspa ukhajja, ¿ukatakejj wakichtʼatäsmati? Mä akatjamatwa terremotonakasa jachʼa thayanakas utjaspa, ninas nakhantaspa jallus wal purintarakispa, ukanakajj kunayman jan walinakwa utjayaspa. Terroristanakasa, chʼajjwañanakasa ukat kunayman contagioso usunakas akatjamatwa utjarakispa (Ec 9:11). Jakasktan uka cheqan janiw kunapachas ukanakajj paskaspati sasajj janiw amuyañasäkiti.

Mä jan waltʼäwejj utjaspa ukatakejja, kuntï lurañ puedktan ukarjamaw taqenis wakichtʼasiñasa (Pr 22:3). Ukham jan waltʼäwinakan Jehová Diosan markapajj jankʼakis yanaptʼañ yatkchejja, sapa mayniw wakichtʼatäñatak chʼamachasiñasa (Gál 6:5).

¿JAN WALTʼÄWINAKARU SAYKATAÑATAKEJJ WAKICHATÄTATI? SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• 

  Mä jan waltʼäwejj utjki ukhajja, ¿kunjamsa Jehová Diosamp sum apasitasajj yanaptʼistu?

• 

  ¿Kunatsa...

  • • ... janïr mä jan waltʼäw paskipansa, jan waltʼäwin uñjasisasa, jan waltʼäwejj pasjje uka qhepats jilïr irpirinakamp parltʼañajj wali wakiskirejja?

  • • ... emergenciatak mä mochila wakichtʼasiñajj wali wakiskirejja? (g17.5-S pág. 6).

  • • ... jakasktan uka cheqan kuna jan waltʼäwinakas utjaspa uka toqet parltʼasiñajj wali wakiskirejja? ¿Ukhamanakan uñjasisajj kunsa lursna uka toqet parltʼasiñas kunatsa wali wakiskirejja?

• 

  ¿Mä jan waltʼäwin uñjasipki ukanakarojj kuna kimsa toqenakatsa yanaptʼsna?