‘Jan llakisipjjamti’

Jehová Diosajja, pobrëpkäna uka israelitanakarojj yanaptʼänwa. ¿Kunjamsa jichhürunakan pobrëpki uka jilat kullakanakarojj yanaptʼaraki?

• Qollqe jan añcha munañatakiw yanaptʼi (Lu 12:15; 1Ti 6:6-8).

• Dios nayraqatan wali valoranïpjjatap amuyapjjañapatakiw yanaptʼaraki (Job 34:19).

• Suma trabajirinakäpjjañapataki ukhamarak jan wali lurañanakar jan mitisipjjañapatakiw yatichi (Pr 14:23; 20:1; 2Co 7:1).

• Yanaptʼañatak jankʼakïpki uka markaparuw irpaniraki (Jn 13:35; 1Jn 3:17, 18).

• Mä suma suytʼäwi jupanakar churi (Sl 9:18; Is 65:21-23).

Sinti jan walinjamsa uñjaskstanjja, janiw llakisiñasäkiti (Is 30:15). Jiwasatï Jehová Diosan Reinop nayrar uchañänejja, kunanaktï necesitktan ukanak Jupajj churistaniwa (Mt 6:31-33).

MUNASIÑAJJ JANIPUNIW TUKUSKITI. POBRËKASASA (CONGO) SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• 

  Asambleanakajj utjki uka jakʼanakan jakasiri jilat kullakanakajj ¿kunjamsa katoqtʼasirïpjjatap uñachtʼayapjje?

• 

  ¿Kunjamsa aka videojj Jehová Diosajj pobrenakar munasitap uñachtʼayi?

• 

  Janis walja utjirinïkstanjja ¿kunjamsa Jehová Diosat wajjtʼasirïñ yateqassna?