CRISTIANJAM JAKAÑATAKI

¿Qollqet pistʼañar saykatañatakejj wakichtʼatäjjtati?

Qollqet pistʼañajj oraqpachanwa mä akatjamat utjaspa, uk yatisajj janiw mayjtʼasktanti. ¿Kunatsa ukham sistanjja? Kunattejj qhep qhepa urunakan tukusïwipanwa jakasktanjja, ukat Bibliajj akham sarakistuwa: ‘Tukusir qollqer jan confiyapjjamti’ sasa (1Ti 6:17; 2Ti 3:1). ¿Qollqet pistʼañar saykatañatak wakichtʼatäñatakejj kunjamsa Jehosafat reyin sarnaqäwipajj yanaptʼistu?

Enemigo markanakajj Jehosafat contra nuwasir sarapjjäna ukhajja, jupajj Jehová Diosaruw confiyäna (2Cr 20:9-12). Janiw ukakïkiti, Judá oraqer jarkʼaqañatakejj jachʼa perqanakampiw markanakar muyuntayäna, ejercitonakwa uka markanakar jaytarakïna (2Cr 17:1, 2, 12, 13). Jiwasanakajj ukhamarakiw Jehová Diosar confiyañasa, jan walinakajj janïr purinkipanwa wakichtʼasiñasaraki.

¿KUNJAMSA QOLLQET PISTʼAÑAR SAYKATAÑATAKEJJ WAKICHTʼASSNA?

Jehová Diosamp jukʼamp sum apasiñatak chʼamachasim. Kunatï utjapktam ukampejj kusisitakiw jakasiñama, kunatï sapürutak wakiski uk Jehová Diosaw churitani sasaw confiyañamaraki (Mt 6:26; 1Ti 6:8). Kunanakatï jakañatak wakiski uk jikjjatañatakejja, janiw Biblian wiñay yatichäwinakap maysar apanukuñamäkiti (Ro 2:21). Luzasa jan ukajj internetas cortasispa ukhajj kunjamsa Biblian yatichäwinakap jikjjatasma uka toqenakatwa amuytʼañama. Sañäni, papelar imprimit qellqatanakwa mä qhawqha imasisma, mä qhawqha qellqatanak celularamaru jan ukajj tabletamar apaqasaw imasirakisma.

Kunatï jakañatak wakiski uk wakichtʼasim. Qollqet pistʼañajj janïr utjkipanjja, jan manunïñatak chʼamachasim, janirak qollq ina chʼusar tukjasimti (Pr 22:7). Puedsta ukhajja, mä qhawqha manqʼañanaka ukat yaqha ukham wakiskir cosasanakwa imasisma. Yaqhep cheqanakanjja, yapuchasiñajj qollq imasiñatakiw yanaptʼaspa.

¿JAN WALTʼÄWINAKAR SAYKATAÑATAK WAKICHTʼATÄJJTATI? SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

“¿Jan waltʼäwinakar saykatañatak wakichtʼatäjjtati?” sat videon mä cheqapaw uñstaski. Biblia, mochila de emergencia, celulara ukat construccionan trabajirinakaw dibujatäski.

¿Jan waltʼäwinakar saykatañatakejj kunjamsa wakichtʼasisma?

Qhanañchtʼañamataki

“¿Jan waltʼäwinakar saykatañatak wakichtʼatäjjtati?” sat videon mä cheqapaw uñstaski. Labores de socorro ukan yanaptʼir mä qhawqha jilat kullakanakaw uñstaski. Yaqhepanakajj construccionanwa yanaptʼasipki, yaqhepanakasti cajanakwa autot apaqasipki.

¿Mayninakar yanaptʼañatakejj kunjamsa wakichtʼasisma?

Qhanañchtʼañamataki