Chuymam wakicham

Bibliat yatjjatktan ukhajja, Jehová Diosat yateqatasajj chuymasaruw purtʼañapa. Ukatakejj Esdras chachat yateqasiñasawa, jupajj “chuymap wakichäna, ukhamat Jehová Diosan Leyip yatjjatañataki” (Esd. 7:10). ¿Kunjamsa jupat yateqasisma?

Orasiñamawa. Bibliat janïr yatjjatkasajja, Jehová Diosaruw yatjjatkta uk amuyañatakisa ukarjam lurañatakis yanaptʼa mayiñama (Sal. 119:18, 34).

Humildëñamawa. Khitinakatï jachʼa jachʼa tukusajj yatiñanïtapar confiyasipki ukanakarojja, Diosajj Biblian cheqa yatichäwinakap imantiwa (Luc. 10:21). Janiw qhawqsa yatta uk mayninakan amuyapjjañapatakik yatjjatañamäkiti. Yatjjatkasatï kunansa mejorañama uk amuyassta ukhajja, humildëñamawa, wakiski ukarjamaw cambionak lurañama.

Cancionanakas istʼañamawa. Uka cancionanakajja, chuymasar purtʼasajj Diosar adorañatakiw wakichtʼistu. Bibliat janïr yatjjatkasin mä canción istʼañajja, Jehová Diosat yateqañataki, yatjjatktan ukarjam lurañatakiw yanaptʼistu.