¿Kunsa jumax lurañama?
50 ¿Uka suma kusipachana wiñayataki jakasiñ munasmati?
Ukatakixa, Diosan arunakapxa jukʼamp yatiqañamawa. Biblia liyiñsa yatiqañamarakiwa (Juan 17:3; Apocalipsis 1:3).
51 Jesusat jukʼampi yatiqaskakma (Deuteronomio 18:18, 19; Juan 3:16; Hechos 3:19-23).
52 Kunatix askïki ukakwa lurañama, Jehová Diosarux jaysañamapuniwa (Romanos 6:17, 18, 22).
53 Amtasirakim, Jehová Diosax janiw jaqirux jiwayañäkit siwa (Éxodo 20:13; 1 Juan 3:11, 12).
54 Yaqhanakatxa kunatix jupanakanki ukxa janiw apaqañasäkiti (Éxodo 20:15; Efesios 4:28).
55 Janipuniw mä chachaxa mä warmimpix utjantasiñapäkiti ikintasiñapäkarakisa jan warmipäkchi ukhaxa (Éxodo 20:14, 17; 1 Tesalonisenses 4:3).
56 ¿Mä chachax qhawqha warminïñapaw sis Diosaxa uk amtasktati? ¿Kunapachkamasa chachax warmipampïñapaxa? (Génesis 2:22, 24; Mateo 19:5, 6; 1 Corintios 7:2, 10, 11.)
57 Amtarakim, Jehová Diosarukiwa yupaychañasa (Mateo 4:10; 1 Corintios 8:6).
58 Amparampi lurat diosanakasa uñnaqanakasa janiw yanapkistaspati. ¿Kunatsa? (1 Corintios 8:4.)
¿Amparampi lurat diosanakanïñax walïspati? (Deuteronomio 27:15; 1 Juan 5:21.)
59 ¿Kunatsa jan walïki illanakampi layqatanakampi apnaqañaxa? (Deuteronomio 18:10-13; Apocalipsis 21:8.)
60 Ñanqha angelanakaxa Diosaru jan istʼasaw kutkatasipxäna. Uka saxranakaxa jaqinakarux yatirinakampiw sallqjayapxi (Hechos 16:16).
61 Diosat mayisiñasawa. Diosaru mayisiñaxa juparu arxayañawa, Jumaru luqtañwa munapxta sasa, ukat yanapapa mayisisa (Filipenses 4:6, 7).
62 Jesusarux jaysañasawa ukatxa iyawsapxañasarakiwa (Hebreos 5:9; Juan 3:16).
63 Amtasim, jupax jiwasanakaru qhispiyañatakiw jiwawayi (Romanos 5:8).
64 Amtasirakim, Jesusax jan uñjkañ Apnaqirisawa. Juparux jaysañasawa (Filipenses 2:9-11; Apocalipsis 19:16).
65 Jesusax sänwa: aka aski yatiqatanakatxa yaqhanakaruxa yatiyañamawa ukatsti Diosaru luqtañ munirinakaxa bautisasipxañapawa (Mateo 28:19, 20; Juan 4:7-15).
66 Ukhamaxa aka aski yatiqatanakatxa munat masinakamarux yatiyañamawa (Mateo 10:32).
67 Jumati liyiña sum yatiqäta ukhaxa, walja yatichäwinakwa yatiqasma ukatsti yaqhanakarusa jukʼamp yanaparakisma (2 Timoteo 2:15).
68 Jesusax Diosar istʼañwa wawanakarux yatichäna. Jupanakaru arxayañatakix tiemponipunïnwa (Mateo 19:13-15).
69 Awkinakaxa Diosaru munasiñsa Diosaru istʼañsa wawanakaparux yatichapxañapapuniwa (Deuteronomio 6:6, 7; Proverbios 6:20-22; Efesios 6:4).
70 Kunaymani walja yupaychäwinakawa utji. Yatichäwinakapax janiw Bibliankkiti. Jehová Diosaxa sistuwa: uka kʼari yatichiri yupaychäwinakatxa mistsupxam sasa (Apocalipsis 18:4; Juan 4:23, 24).
71 Jehová Diosaxa aka Uraqinxa jupxata yatichirinakaniwa, jupanakaw jukʼampi yatichapxiristamxa. ¿Khitinakawa sasmasa? (Hechos 15:14; Romanos 10:14, 15.)
72 Jehová Diosan Qhanañchirinakapawa. Jupanakkamax sumankapxiwa. ¿Yattati kunatsa? Kunalaykutix maynit maynikamaw munasisipxi (Isaías 43:10-12; Juan 13:34, 35).
73 Jehová Diosaruw munasipxi ukatwa bautisasipxixa. Ukhamatwa uñachtʼayapxi jan wali sarnaqäwinakapa jaytapxatapa, ukatsti Jehová Diosaru luqtasaw jakañ munapxi (Hechos 2:41).
74 Jehová Diosan Qhanañchirinakapaxa mä machaq suma kusipachan jakasiñwa suyapxi (Salmo 37:9-11, 29).
¿Kunsa lurañama jupanakamp chika ukan jakasiñamatakixa? (Santiago 1:22, 25; 2:20-26.)
75 Jupanakampi chika Jehová Diosaru luqtaña yatiqma. Jupanakaxa Jehová Diosarusa, Jesucristorusa munasipxiwa ukatxa istʼapxarakiwa. ¿Jumasti jupanakjam munasiraktati? ¿Diosaru uñtʼapxañapataki yaqhanakarux yanaptʼañ munasmati? (Juan 6:45-47.)
76 Jehová Diosampi Jesucristompixa munasipxtamwa, wiñayan wiñayapataki kusipachana kusisita jakasiñamwa munapxaraki (Juan 3:16).
Dibujonakatsa ukhamaraki aka folleton yatichäwinakapatsa yatiqawayxtawa. Ukanakaxa, chiqapuniwa wiñayan wiñayapataki kusisita aka Uraqin jakasiña munaypachätamxa. Jumati jukʼampi yatxataña munstaxa, markamankiri Jehová Diosan mä qhanañchiripampiw parlañama. Jan ukax qillqarakismawa, jan qillqtʼasirïkstaxa yaqhampis qillqayarakismawa utam jakʼankiri sucursalaru. Uka sucursalanakana jakhupaxa aka folletona payïr janapankiwa.