¿Diosax wasitatti ñanqha jaqinakaru tukjani?

22 Jichhuranakanxa jaqinakax wali ñanqhäpxarakiwa. ¿Kuna ñanqha luräwinakasa akan uñjasi?

23 Yaqhipanakax jaqi masiparuw jiwayapxi. Diosax siwa: janiw jiwayätati (Éxodo 20:13; 1 Juan 3:11, 12).

24 Yaqhipanakax lunthatäpxiwa. Diosax siwa: janiw lunthatasïtati (Éxodo 20:15; Efesios 4:28).

25 Yaqhipanakaxa walja warminakampiw jaqichasipxi. Yaqhanakaxa paya kimsa warmimpiw yaqha yaqha utanakana sarnaqapxi. Yaqhipanakax jan jaqichasisawa chachawarmjama qamapxi. Taqi aka sarnaqäwinakaxa Bibliar jan istʼañawa (Mateo 19:4-6; 1 Corintios 7:1-4; 1 Timoteo 3:1, 2).

26 Diosax Adanaruxa mä warmik churäna ¿uk amtasktati? (Génesis 2:22, 24.)

27 Yaqhipanakaxa amparampi lurata diosanakaruw yupaychapxi. Jehová Diosax siwa: amparampi lurata diosanakasa ukat uñnaqanakasa chiqa yupaychäwinxa janiw utjañapäkiti (Éxodo 20:4, 5; Isaías 44:9-17; 1 Juan 5:21).

28 Jehová Diosax jan istʼasiri ñanqha jaqinakaruxa tukjaniwa (Salmo 37:9, 10; Lucas 13:5; 1 Corintios 6:9, 10).