¿Kunsa Diosar kusisiyañatakejj lurañasa?

Kunanaktï Diosajj uñiski ukanak jan luramti (1 Corintios 6:9, 10).

Diosarutï munasstanjja, kunanaktï uñiski ukanak janiw lurkañäniti.

Lunthatasiñasa, machjasiñasa ukat droganakamp qolljasiñas janiw Diosatakejj walïkiti.

Diosajj wawar janïr naskipan jiwayañaru, chacha pura jan ukajj warmi pura jan wal luririnakaru, jaqe masipar jiwayirinakarojj uñisiwa. Qollqe chuymäñarusa nuwasiñanakarus uñisirakiwa.

Janiw idolonakarojj adorañasäkiti janirakiw layqasiñanakar mitisiñasäkisa.

Taqe uka jan walinak luririnakajj janiw paraison jakapkaniti.

Kunatï askïki ukanak mayninak layk luram (Mateo 7:12).

Jehová Diosar kusisiyañatak chʼamachastan ukhajj wal jupajj kusisi.

Munasiñampi khuyapayasiñamp jaqenakar uñjam. Ukham lurasajj munasirïtamwa uñachtʼaytajja.

Honradöñamawa.

Mayninakarojj taqe chuymaw perdonañama.

Jehová Diosata ukat yatichäwinakapat yaqhanakar parlam (Isaías 43:10).