Layqasiñanakax janiw walïkiti

Satanasax layqasiñaswa muni. Walja jaqinakaw jan ñanqhachayasiñatakixa jiwatanakaru jan ukax ajayunakarusa waxtʼanak luqtapxi. Uka ajayunakaru axsarasaw ukham lurapxi. Ukanakatakixa, kunaymani illanakwa apnaqapxaraki. “Wakichtʼat qullanaka” umapxi jan ukax ukanakampiw jawisipxaraki. Yaqhanakaxa jarkʼaqayasiñatakiwa ukanakxa utanakapan imasipxi jan ukax allintapxaraki. Yaqhipanakasti “wakichtʼat qullanakwa” apnaqapxaraki sum aljtʼasiñataki, yatiqañ utansa examenanakan waltʼayañatakisa jan ukax jaqichasiñatakisa.

Satanasat jarkʼaqasiñatakixa Jehová Diosan munasitapäñasawa. Jehová Diosasa angelanakapasa jukʼampi chʼamanipxiwa, Satanasata saxranakapampit sipansa (Santiago 2:19; Apocalipsis 12:9). Taqi chuyma phuqhiri munasitanakaparuxa, Jehová Diosax chʼamapampix arxatañxa munapuniwa (2 Crónicas 16:9).

Diosan Arupaxa siwa: “Janiraki layqanakasa tukupxamti”. Jehová Diosaxa layqasiñanakaruxa uñisiwa, kunattix Supay Satanasan amparaparuwa jaltʼayistaspa (Deuteronomio 18:10).