Yatiqaskañ sarnaqäwinaka: Kimsa hebreo waynanaka
Hananías, Misael ukat Azarías waynanakaxa, Babilonia jakʼan Dura sat uraqinkapxänwa. Jaqinakax qurit lurat diosaruw altʼasipxäna, ukampis jupanakax saytʼatäsipkakïnwa. Uka diosar altʼasipxañapataki wiytatäsipkchinsa ukat ‘mä parintat hornoruw jaquntatäpxätä sasas reyix siskchïnxa, janipuniw altʼasipkänti. Wali respetompiw Nabucodonosor reyirux “janipuniw kunampis Jehová Diosar luqtañatxa jithiqtayapkitasmati” sasin sapxäna (Daniel 1:6; 3:17, 18).
Taqi kunat sipansa Jehová Diosar istʼañawa jukʼamp wakiskirixa, ukxa jupanakax yatipxänwa. Wawasipkäna ukhawa Babilonia markaru apapxatayna. Diosan kamachinakaparjam jan manqʼañäkäna ukanakxa janiw manqʼapkänti, ukhamatwa jupanakax taqi chuyma Jehová Diosar luqtatapxa uñachtʼayapxäna. Ukaw jupanakarux jutïrin jukʼamp jan wali yantʼäwinakar saykatañatakix yanaptʼäna (Daniel 1:6-20). Yatiqir masinakamax jan wal lurañataki wiytapxätam ukhaxa, ¿Diosan kamachinakap phuqañatakix ukham wakichtʼatarakïtati? Jumatï waynitutpach taqi kunan Jehová Diosar taqi chuyma istʼäta ukhaxa, jukʼamp jan waltʼäwinakar saykatañatakix wakichatäxätawa (Proverbios 3:5, 6; Lucas 16:10).