23 qʼuchu
Jehová Diosaw chʼamañchirisaxa
1. Jumakiw chʼam churapxistax, Jehová,
jumarakiw qhispiyasipxistax.
Janis arum istʼañ munasipkpan,
yatichäwimx qhanañchasipkakiw.
(KUTXATAÑATAKI)
Arxatirïtaw, chʼaman Diosätaw.
¡Sapüruw sutim yatiyapxä!
Taqi kunxar munañani, Jehová,
jumaw imantasiñ torrejätax.
2. Kusiskañaw qhanamat yatiñax,
uk uñtʼasaw jumar sum luqtapxsmax.
Kusisitaw kamachim phuqapxäx.
Reinomatpun saytʼasipxarakïx.
(KUTXATAÑATAKI)
Arxatirïtaw, chʼaman Diosätaw.
¡Sapüruw sutim yatiyapxä!
Taqi kunxar munañani, Jehová,
jumaw imantasiñ torrejätax.
3. Kunsay Diablox lurasipkitpan, Dios,
munañamx phuqasipkakipuniw.
Jiwayasipkitpans, juma tuqit
saytʼasiñ yanaptʼapxita, Jehová.
(KUTXATAÑATAKI)
Arxatirïtaw, chʼaman Diosätaw.
¡Sapüruw sutim yatiyapxä!
Taqi kunxar munañani, Jehová,
jumaw imantasiñ torrejätax.
(Uñxattʼarakismawa 2 Sam. 22:3; Sal. 18:2; Isa. 43:12.)