¿Edén jardinan jakañajj kunjamänsa?

Adanampi Evampejj walja askinakwa Diosat katoqapjjäna (Génesis 1:28).

Jehová Diosaw nayrïr warmir luräna, jupajj Eva satänwa, ukatsti Adanaruw warmipäñapatak churäna (Génesis 2:21, 22).

Diosajj jupanakarojj perfecto luräna. Amuyunakapas cuerponakapas suma lurtʼatäpjjänwa.

Jupanakajj Edén jardinanwa jakapjjäna, uka jardinajj wali sumänwa, jawirasa, animalanakasa qoqanakas utjänwa. Mä paraisopunïnwa.

Jehová Diosajj jupanakar parlapunirïnwa yaticharakirïnwa. Jupanakatï istʼapjjaspän ukhajja, wiñayatakiw uka paraison jakasipjjaspäna.

Mä qoqan achup janiw manqʼapjjätati sasaw Diosajj säna (Génesis 2:16, 17).

Mä angelaw Dios contra saytʼäna. Uka jan wali angelajj Satanás jan ukajj Diablo satawa.

Jehová Diosajja, jardinan mä qoqwa Adanampir Evampir uñachtʼayäna, uka qoqan achup janiw manqʼapjjätati, manqʼapjjäta ukhajj jiwapjjätawa sasaw säna.

Adanampi Evampejj Diosar jan istʼapjjaspa ukwa Supayajj munäna. Ukatwa mä asiru taypejj uka qoqan achup manqʼasajj janiw jiwkätati, Diosjamäjjätawa sasin Evar säna. Taqe uka arunakapajj kʼarïnwa (Génesis 3:1-5).