¿Khitis Jesusajja?

Jehová Diosaw Jesusarojj aka oraqer khitanïna (1 Juan 4:9).

Adanar janïr lurkasajja, Jehová Diosajj wali chʼaman mä angelwa alajjpachan luräna, uka chʼaman angelarutï istʼañänejja Jehová Diosajj kusisiniwa.

Walja maranak qhepatjja, uka chʼaman angelajj María taypi aka oraqen nasiñapatakiw Diosajj mä milagro luräna. Uka wawajj Belén markanwa nasïna. Jesús sasaw sutiyapjjäna (Juan 6:38).

Jesusajj aka oraqenkkäna ukhajja, Jehová Diosajj kunjam chuymanïkiti ukwa jupajj uñachtʼayäna, mä arunjja munasiñampiw jaqenakar uñjäna. Jaqenakajj jupampïñ wal munapjjäna, ukat Jehová Diosan cheqa yatichäwinakap jan ajjsartʼasaw yaticharakïna.

Jesusajj suma luräwinaksa lurkchïnjja, walja jaqenakaw jupar uñisipjjäna (1 Pedro 2:21-24).

Religión pʼeqtʼirinakajj Jesusar wal uñisipjjäna, kuna laykutejj kʼarinakwa yatichapjjtajja, jan walinakwa lurapjjaraktajja sasaw Jesusajj jupanakar säna.

Usutanakarus qollänwa, mä qhawqha jiwatanakarus jaktayarakïnwa.

Religión pʼeqtʼirinakajj Jesusarojj romanonakamp nuwjayasaw jiwayapjjäna.