¿Uma Juiciojj kuns yatichistu?

Diosajj jan istʼasirinakarojj tukjänwa ukat Noé chachampir familiapampiruw salväna (Génesis 7:11, 12, 23).

Jallojj oraq chhaqtayañkamaw 40 urumpi 40 arumampejj wal purintäna. Ukanwa jan wali jaqenakajj jiwarapjjäna.

Diosar kutkatasir angelanakajj alajjpacharuw kuttʼawayjjapjjäna Supayampiw mayachasipjjäna. Jupanakaruw demonionaka sasin uñtʼasi.

Arca manqhankapkäna ukanakakiw salvasipjjäna. Qhepat Noé chachampi familiapampejj jiwjjapjjchïnsa, Diosajj wasitatwa jupanakar jaktayjjani, wiñayaw jakapjjarakini.

Diosajj niyaw jan wali jaqenakarojj mayamp tukjani ukat suma chuyman jaqenakarojj salvaniwa (Mateo 24:37-39).

Jaqenakajj Jehová Diosar jan istʼapjjaspa ukatakiw Supayampi demonionakampejj jichhürunakan wal chʼamachasisipki.

Kunjamtï Noé chachan tiempopan jaqenakajj jan istʼañ munapkänjja, ukhamarakiw jichhürunakan jaqenakajj Jehová Diosan suma ewjjtʼanakap jan istʼañ munapkiti. Ukhamajj Jehová Diosajj niyaw uka jan wali jaqenakarojj tukjani (2 Pedro 2:5, 6).

Ukampis yaqhep jaqenakajj Noé chachjamarakiw Diosar istʼapjje, jupanakajj Jehová Diosan Testigonakapawa.