¿Kunapachas aka oraqejj mä paraisöjjani?

Jichhürun jan walinak utjatapajj Diosan Reinopan jakʼankjjatapwa uñachtʼayi (Lucas 21:10, 11; 2 Timoteo 3:1-5).

Jichhürunakan kuna jan walinakatï uñjaski ukjja, Bibliajj nayratpachwa qhanañchjjäna. Wawanakajj janiw awk taykapar istʼjjapjjaniti, jaqenakajj qhoru jan ukajj phirüpjjaniwa, qollqe chuymäpjjaniwa, jupanakan pachpa munañanakapakwa thaqapjjani sasaw säna.

Ukatsti terremotonaka, manqʼat pistʼañanaka, guerranaka ukat kunayman usunakaw utjani sasaw yatiyarakïna. Taqe ukanakajj jichhürunakanwa uñjasiski.

Diosan Reinopat suma yatiyäwinakajj aka oraqpachanwa yatiyasini sasaw Jesusajj säna (Mateo 24:14).

Diosan Reinopaw taqe jan walinak chhaqtayani (2 Pedro 3:13).

Jehová Diosajj niyaw jan wali jaqenakarojj tukjani.

Supayasa demonionakapas castigatäpjjaniwa.

Diosar istʼapki uka jaqenakajj jan ajjsarasaw sumankañan aka oraqen jakasipjjani, wal munasipjjani ukat taqeniruw confiyapjjarakini.