Sección 1 ukan qalltapa

Kunanaksa Diosajj luräna ukanakat parlasaw Bibliajj qallti. Jehová Diosajj wali sumanakwa aka oraqensa alajjpachansa luräna. Wawanakanïsta ukhajja, Diosan musparkañ kunayman luratanakap valoranit uñjapjjañapatakiw yanaptʼañama. Jehová Diosajj animalanakat sipansa, jaqenakarojj parliri, amuytʼiri, kuns lurtʼiri, canttʼiri, orasiri ukhamwa lurawayistu sasaw yatichañama. Jehová Diosan yatiñapatsa, chʼamapatsa yatichañamarakiwa. Qhawqsa Diosajj jiwasarusa luratanakaparus munasi ukanak amuyapjjañapatakiw wawanakamarojj yanaptʼañama.