Sección 7 ukan qalltapa

Aka seccionanjja Saúl, David reyinakat yateqañäni, kunanakas mä 80 maranakan pasäna ukwa yateqarakiñäni. Qalltanjja Saulajj humildënwa, Diosarus istʼarakïnwa. Tiempompejj janiw ukhamäjjänti, janiw Diosar istʼañ munjjänti. Ukatwa Jehová Diosajj jupar apanukjjäna, jupa lanti reyïñapatakejj Davidaruw Samuelumpi ajlliyäna. Saúl reyejj wal Davidat envidiasïna, walja kutiw niy jiwayäna. Ukhamäkchïnsa Davidajj janiw vengaskänti. Saulan Jonatán yoqapasti Diosajj Davidar reyïñatak ajllitap yatisajj wal jupar yanaptʼäna. Davidajj jachʼa juchanaksa lurkchïnjja, Diosan cheqañchatajj istʼasïnwa. Jumatï wawanakanïsta ukhajja, Diosan amtanakapar yanaptʼañajj kunja wakiskiris uk amuytʼapjjañapatakiw yanaptʼäta.