Sección 8 ukan qalltapa

Diosajj Salomonar yatiñanïñ churäna, templo lurayarakïna. Ukampis jupajj jukʼat jukʼatwa Diosat jitheqtjjäna. Wawanakanïsta ukhajja, kunjamsa idolor servirinakajj Salomonar Diosat jitheqtayapjjäna uk qhanañchäta. Reinojj payaruw jaljtäna. Jan wali reyinakajja, falso diosanakaruw israelitanakar adorayapjjäna, apostasiaruw purtʼasiyapjjarakïna. Uka tiemponjja Jehová Diosan walja profetanakaparuw arknaqapjjäna, jiwayapjjarakïna. Norte toqenkir reinonjja, Jezabelan apnaqatap laykojj apostasiajj jukʼampiw utj-jjäna. Israel markatakejj llakiskañ chʼamak tiemponakänwa. Ukampis Jehová Diosar taqe chuyma servir israelitanakajj utjaskänwa, mayajj Jehosafat reyïnwa, yaqhasti Elías profetarakïnwa.