SECCIÓN 1
‘Alajjpachanakaw jistʼartäna’
KUNSA YATEQAÑÄNI: Jehová Diosajj kawkjankkitï uka alajjpachajj kunjamasa ukwa yatjjatañäni
Taqe Chʼamani Jehová Diosarojj janiw khiti jaqes uñjkaspati, uñjaspa ukhajj janiw jakjjaspati (Éx. 33:20). Ukampis Diosajja, organizacionapat mä partejj alajjpachankki ukajj kunjamasa ukwa visionanakan Ezequielar uñachtʼayäna. Uka visionanakajj janiw aleq musparkañakïkiti, jan ukasti cheqpach Diosar adorañajj kunja sumasa uk wali valoranit uñjañatakiw yanaptʼistu.