Mä uru jachʼa tantachäwitak machaq wakichäwi

Mä uru jachʼa tantachäwin 2008 marataki pʼiqinchapaxa akham satawa: ‘Jiwasanakaxa ñiqʼïtanwa, Jehová Diosasti Sañu luririsawa’ (Isa. 64:8). Biblian iwxtʼäwi arunakap katuqkañäni ukaxa, Jehová Dios Jachʼa Sañu Luririn yatiñanïtapa, chiqakankañanïtapa, chʼamanïtapa, ukhamarak munasiñanïtapwa sum amuytʼayistani.

Tamanakar tumptʼir irpir chuyman jilatan “Yatiyir sarasaxa mä wali aski vasjamañäni” sat arstʼäwipanxa, walja jaqinakaw sapa kuti Diosar uñtʼasipki ukatxa walja bendicionanakwa katuqapxi ukat ukanakaxa jaqi masinakaparuw yatiyapxi sasaw arstʼaskani. “Lupʼiñaxa jarkʼaqistuwa” sat arstʼäwinxa kunjamsa Jehová Diosan mayïwinakapat lupʼiñax jarkʼaqistu ukwa qhanañchasini. Betelat jutir jilataxa akham arstʼäwinakwa arstʼaskani: “‘Janiw akapacha saräwinakarjam jakxapxtanti’” ukat “Jachʼa Sañu Luririn luratätanwa”. Awk taykanakarusa ukat wayn tawaqunakarusa wal chʼamachtʼani akham sat arstʼäwinakaxa: “Wayn tawaqunaka Jehová Diosatakix wali wakiskirïpxtawa” ukat “Kuns awk taykanakax lurapxañapa wawanakapax suma yatichatäpxañapataki”. Demostracionanakasa entrevistanakasa kunjamsa yatiyirinakax wali sum irnaqapxi uka tuqinakat uñachtʼayani. Jankʼakiw khitinakatï bautisasiñ munapxi ukanakaxa tamankir irpir chuymaninakan pʼiqtʼiripar parltʼapxañapa. Uka semanan yatiqañ La Atalaya sat  revist apasiñxa jan armasiñäniti.

Jachʼa Sañu Luririxa kuntï lurañ amtki ukxa phuqapuniwa. Ukat jupampi lursuyasiñäniti janicha ukaxa jiwasatäxaniwa. Khitinakatï wali amuyumpi Jehová Diosan kamachinakaparu kasusipxi ukat ukarjam sarnaqapxi ukanakaxa, mä sañu luririn amparapankir ñiqʼïkaspas ukat askichtʼayaskaspas suma wakiskir vasoñataki ukhamawa. Jiwasatï Jehová Diosatakjam irnaqañäni ukaxa jachʼakankañapwa jachʼañchañäni ukatxa walja bendicionanakwa katuqarakiñäni.