Jisktʼäwinaka

◼ ¿Bibliat yatxatañ munir jaqinakampix kawkïr pä qillqatanakatsa yatxatasiñapa?

Chiqpachansa, Kunsa yatichi sat librowa Bibliat yatichañ qalltañatakisa, Bibliat yatichañatakisa lurataxa. Tratadompis yaqha qillqatampis Bibliat yatichañ qalltsnawa, ukampisa jankʼakiw Kunsa yatichi sat libror kipstayasiñapa. Ukat uka librompi Bibliat yatichañ qalltasi ukhaxa jukʼampi askiwa.

Sum yatxataskchi, ukat Kunsa yatichi sat librompi tukuyxapxsta ukhaxa, Diosaru yupaychapxañäni sat librompiw yatxatapxarakïta (Col. 2:7). Uka librox kuna amtampi luratas ukaxa, payïr janapankiwa, ukansti akham siwa: “Diosar munasirinakaxa chiqa suma yatichäwinakxa ‘taqi tuqiru amuytʼapxañapaw’ siw Diosan Arupaxa (Efesios 3:18). Ukatak wakichataw aka qillqataxa. Diosar jukʼampi jakʼachasiñamatakiw yanaptʼätamxa, ukat suma Uraqin wiñay jakañar apiri kʼullkʼu thakin sum sarnaqañsa yanaptʼarakïtamwa” sasa.

Janïr uka pä librot yatiqañ tukuykasina, mayitanakarjam phuqas bautisasxani ukhaxa, yatichasiskakiñapawa payïr libromppacha tukuyañapkama. Yatiqirix bautisatäxchi ukhasa, yatichir sarki uka jilatax jan ukax uka kullakax tiempompsa, kuttʼatapsa, yatichatapsa jakhusiskaspawa. Ukat kawkïr yatiyiritix jupamp chik sarasin kutin kutin arstʼani ukhaxa uka jilatax jan ukax uka kullakax tiempop jakhusirakispawa.