Revistanakat kunjamsa parltʼasma

Yatiyañataki Julio-Septiembre

“Jesusax aka Uraqinkkäna ukhatpachaw Diosan Apnaqäwipax jutpan sasin walja jaqinakax mayisipxi, ¿jaqinakatakix kunsa uka Apnaqäwix lurani sas jisktʼasirïtati? [Kamsis uk istʼäta. Ukat Daniel 2:44 liytʼäta.] Aka yatichäwinwa kunas Diosan Apnaqäwipaxa, kunsa jaqinakatakix lurani ukat kun lurañasas bendicionanak katuqañatakixa uk yatiyaski.” 18 janankkis uka yatichäwi uñxattʼayäta.

¡Despertad! Agosto

“Aka Uraqix wal juntʼuptaski, ¿gobiernonakax uka jan waltʼäwxa askichaniw sasmati? [Kamsis uk istʼäta. Ukat Jeremías 10:23 liytʼäta.] Aka yatichäwix jumatakix askïniwa; aka Uraqin uka jan waltʼäwinakampi jan tukjatäñapatakix kunsa Diosax lurani uka tuqitwa yatichistu.”

Yatiyañataki Julio-Septiembre

“¿Kunayman jan waltʼäwinakan uñjasisax kusisita sarnaqaskaksnati? [Kamsis uk istʼäta. Ukat Isaías 65:17 liytʼäta.] Kawkhansa uka jan waltʼäwinakar saykatañatakix suma iwxanak jikxatsna ukwa aka yatichäwix uñachtʼayistu. Ukhamaraki kunjamsa mä chiqpach suytʼäwinïñax yanapistaspa uk yatiyarakiwa.” 28 janankkis uka yatichäwi uñxattʼayäta.

¡Despertad! Septiembre

“Jiwxasinxa jakañax utjaskakit janicha uka tuqitxa jaqinakax jichhakamaw chʼaxwasipki. ¿Uka tuqit jumax kamsasmasa? [Kamsis uk istʼäta.] Nayra tiemponxa Job sat mä suma chachaw utjäna, jupax uka tuqit kamspachänsa uk uñxattʼañäni [Job 14:14, 15 liytʼarapïta.] Jiwxasinxa jakañax utjaskakpachati, Bibliax kamspachasa ukwa aka yatichäwinakax qhanañchaski.”