Revistanakat kunjamsa parltʼasma

Yatiyañataki Julio-Septiembre

“Sapüruwa jaqinakan jan wali luräwinakapat istʼtanxa. ¿Nayrapachax ukham jan wali jaqinakax utjarakpachänti? [Kamsis uk istʼäta.] Biblianxa akham siwa [Génesis 6:5, 6 liytʼäta]. Noé chachan urunakapanxa, Diosax taqi jan wali jaqinakaruwa tukjäna ukampis Noempiru familiapampirux qhispiyänwa. Jiwasanakatakix askispati khä tiempot amtañaxa, uka tuqitwa aka revistax qhanañchaski.” 5 janankkis uka chiq uñxattʼayäta.

¡Despertad! Septiembre

“Akapachan manqʼat pistʼañanakax utji uk uñjasaxa, ¿Diosan munañapaw sasmati? [Kamsis uk istʼäta.] Diosax uka jan waltʼäwirux chhaqtayaniwa siw Bibliaxa [Salmo 72:16 liytʼäta]. Kunjamsa Diosax wasitat aka Uraq mä Paraisor tukuyani, uka tuqitwa aka yatichäwix qhanañchaski.” 7 janankkis uka chiq uñxattʼayäta.

Yatiyañataki Octubre-Diciembre

“Mä munat familiarax jiwxi ukhax wasitatwa uñjañ muntanxa, ¿janich ukhamäki? [Kamsis uk istäta.] Jiwatanakax wasitat jaktanipxani siw Biblianxa, uk yatxatasax walja jaqinakaw chuymachata jikxatasipxi [Hechos 24:15 liytʼäta]. Kunapachas ukax pasani ukat khitinakas jaktanipxani uka tuqitwa aka revistax yatiyaski.” 8 janankkis uka chiq uñxattʼayäta.

¡Despertad! Octubre

“Wali wakiskiriwa Internetanïñaxa, ukampirus wawanakasatakix mä sipitawa. ¿Kunjamatsa wawanakasar ukanakat jarkʼaqsna? [Kamsis uk istʼäta.] Aka chiq liytʼarapïma [Proverbios 18:1 liytʼäta ukat qhanañchtʼäta]. Akasti Bibliat apstʼat suxtïr wakichäwipawa, awkinakax kunjamsa wawanakapar yanapapxaspa uka tuqit qhanañchaski.” 8 janankkis uka yatichäwi uñxattʼayäta.