Revistanakat kunjamsa parltʼasma

Yatiyañataki 15 de octubre

“¿Jutïr urunakax kunjamäpachänisa uka tuqit llakisirïtati? [Kamsis uka tuqit uk istʼäta.] Kunjamänis jutïr urunakax uk jan yatisaxa, jichha tiempon sum jakasiñakwa amtxapxi. Jesusaxa jutïr urut kamsataynas uk uñxattʼañäni [Mateo 6:34 liytʼäta]. Aka revistaxa kunjamsa jan ancha llakisisa jichhjatpacha jutïritakix wakichtʼassna, uka tuqit qhanañchaski.”

¡Despertad! Octubre

“Taqininwa mä munat familiasax jiwi. ¿Jupanakax kawkinkasipkpachasa? ¿Alaxpachatti uñchʼukiniskpachïstu? [Kamsis uka tuqit uk istʼäta.] Jesusax kamsänsa Lázaro amigopax jiwxäna ukhaxa uk uñjañäni [Juan 11:11 liytʼäta]. Jiwatanakax jakasipkiti jan ukax jaktäwi suytʼasach iktʼasipki uka tuqitwa aka revistan akïr qillqatapax parli.” Ukat 28 janan qillqatäki ukawja uñachtʼayäta.

Yatiyañataki 1 de noviembre

“¿Jaqinakax jan jachʼa jachʼa tukxapxaspa ukhax jakasiñax kunjamäxaspaw sasmasa? [Kamsis uka tuqit uk istʼäta.] Jesusax uka tuqitxa akham sänwa [Mateo 23:12 liytʼäta]. Chiqanxa ñanqha pachanwa jakastanxa, ukampis altʼat chuymanïñax wali askiwa, uka tuqitwa aka revistan qillqatax qhanañchaski.”

¡Despertad! Noviembre

“Nayra jaqinakaxa, Bibliarjamaw sarnaqapxirïna, ukampis jichhürunxa waljaniw Bibliat payachasxapxi. ¿Bibliax chiqpachas atiniskañäpachati? ¿Kamsasmas uka tuqitxa? [Kamsis uka tuqit uk istʼäta. Ukat 2 Timoteo 3:16 liytʼäta.] Aka wakiyat ¡Despertad! revistaxa Bibliax chiqpachapuniw Diosan arupaxa sasaw wali sum qhanañchtʼaski.”