Revistanakat kunjamsa parltʼasma

Yatiyañataki Octubre-Diciembre

“¿Kunapachatï wawanakax qʼaxu wayn tawaqunakäxapxi ukhaxa jan waltʼäwinakar jan mantapxañapatakix kunjamsa awk taykanakax yanaptʼapxaspa? [Kamsis uk istʼäta. Ukat Proverbios 25:11 liytʼäta.] Kunjamsa Biblian iwxtʼanakapax awk taykanakarux yanaptʼaspa wawanakapampi sum parltʼasipxañapataki ukat kunatï askïki ukarjam amuytʼayañataki uka tuqitwa aka revistax yatiyaski.” 20 janankkis uka chiq uñxattʼayäta.

¡Despertad! Octubre

“Diosax kunjam Diosas uk janiw religionanakax yatipkiti. Uka tuqitxa Jesusax kamspachänsa uk Juan 4:24 qillqatan uñxattʼañäni [liytʼañamawa]. Aka yatichäwinxa, pä jananakwa ‘¿Diosax kunjamasa?’ uka jisktʼarux Bibliarjam qhanañchaski.” Ukat 24, 25 jananakankki uka yatichäwi uñxattʼayäta.

Yatiyañataki Octubre-Diciembre

“Taqiniw jiwasanakatxa mayninakampi sum apasiñ muntanxa. Ukampisa arsuñax janiw chʼamäkiti ukat lurañaw wali chʼamäspa, ¿ukhamti jumax amuyarakta? [Kamsis uk istʼäta]. Biblianxa akham siwa [Mateo 6:14, 15 liytʼäta.] Suman jakasiñatakixa maynit maynikamaw perdonasiñasaxa ukwa aka yatichäwin uñachtʼayaski.” 14 janankkis uka yatichäwi uñxattʼayäta.

¡Despertad! Noviembre

“Qullqinïña,munañanïña ukat wali aytatäña ukaw suma jakäwixa sasin waljaniw sapxi. ¿Jumatakixa kunas suma jakäwinïñaxa? [Kamsis uk istʼäta.] Kunas yanaptʼistaspa suma jakäwinïñatakix ukxa Biblianwa qhanañchasi ukwa uñxattʼayañ munsmaxa [Salmo 1:1-3 liytʼäta]. Aka yatichäwinxa suxta tuqitwa qhanañchaski suma jakäwi jikxatañatakixa.” 6 janankkis uka chiq uñxattʼayäta.