¡Mä machaq qillqataw lakirasini! Octubre 20-noviembre 16
1 ¿Kunatï chiqäki uk yatiñ munasmati? sat machaq tratadompiwa octubre phaxsin lunes uru 20 urunak saraqatarux yatiyasini, pusi semanakaw lakirasiskani. Uka qillqatax Uraqpachanwa lakirasini, ukat kawkïris chiqa yatichäwixa ukwa jaqinakax yatipxañap muntanxa (Juan 17:17).
2 Uka machaq qillqataxa suxta wakiskir jisktʼanakaruw qhanañchtʼaskani: ¿Chiqapunit Diosax sum jakasiñas munpacha? ¿Nuwasïwinakasa tʼaqhisiñanakasa tukusxpachäniti? Jiwatatxa, ¿jakañax utjaskakpachatï? ¿Jiwatanakatak mä suytʼäwix utjpachati? ¿Diosan istʼatäñatakix kunjamsa Jupat mayisiristxa? ukat ¿Kunjamsa kusisit jakasiristxa? Aka jisktʼanakarux cristianüpxtwa sirinakax janiw sum qhanañchapkiti. Ukat khitinakatï jan cristianüpki ukanakax janis uka qhanañchäwinak Bibliankatap yatipkchixa, jupanakax ukanak jisktʼasipxarakiwa. Ukhamax aka qillqataxa taqinitakiw wali askïni.
3 Taqinir churañäspawa. Wali wakiskiriwa territoriosan utat uta sarkasax taqiniru churañaxa. Territoriomatix jachʼächixa, irpir chuymaninakaw uka machaq qillqatax chʼusa utanakar jaytasispat janicha uk amtapxañapaxa. Ukatxa uta jakʼaman jakasirinakarusa, familianakarusa, irnaqir masinakarusa, yatiqir masinakamarusa ukat khitinakampitï jikiskäta ukanakarusa uka qillqat churañxa janiw armañamäkiti. ¿Janit octubre jan ukax noviembre phaxsin precursor auxiliarjam irnaqtʼkasma? Ukhamaraki, inas mä wawamasa jan ukax Bibliat yatiqirimasa yupaychañ tuqit nayrar sarantaskchi ukat misttañataki mayitanak phuqxchi, ukhamächixa, irpir chuymaninakampiw parltʼañama.
4 Kamssnasa. Taqinir uka tratado churañatakixa, mä jukʼaki parltʼañasawa: qalltan utjki uka jisktʼanakatxa, mä jisktʼatwa parlañasa ukat pachpa tratadot liytʼasarakiw uka jisktʼar qhanañchañama. Ukham lurasaxa taqiniruw parltʼañäni. Maynitï jukʼamp yatxatañ munchixa, wasitat kuttʼañäspawa, ukatakix kuna sutinisa, kawkhansa jakasi ukanak qillqtʼasiñaw wakisispa. Ukat seman tukuyaxa revistanakamp chikaw uka tratado churaraksna. Noviembre phaxsin 16 urunak saraqataru tratado churañ tukuyxasaxa, Kunsa yatichi sat librompiw irnaqañäni, uka qhipatsti mayni tratadonakjamarakiw uka tratadompix irnaqxañäni.
5 Bibliat yatiqirinïñataki. Aka machaq tratadox Bibliat yatiqirinïñataki uka amtamp luratawa. ¿Kunjamatsa Bibliat yatiqirinïsna? Wasitat kuttʼasax akham jisktʼañaw wakisispa: ¿uka qillqatanxa kawki chiqasa chuym qhanartaytamxa? sasa, ukat ¿jukʼamp yatxatañ munasmati? siski uka chiq uñachtʼayañäspawa, ukat Kunsa yatichi sat libro jaytawayaraksnaxa. Wakisirjamächi ukhaxa, kuna tuqitxay yatxatañ munchi ukarjamaw maya jan ukax pä tʼaqanakat yatichañäspaxa.
6 Jehová Diosaxa, khitinakatï ‘ajayun ukhamarak chiqakankañampin yupaychañ’ munapxi ukanakar thaqhapxam sasaw sistu (Juan 4:23). Niyakixay chiqa yatichäwi taqini uñtʼapxañap munstanxa, ukhamax aka machaq qillqat lakirañataki, ¡yanaptʼapxañäni!