Revistanakat kunjamsa parltʼasma

Yatiyañataki Octubre–Diciembre

“Jesusan María taykapatxa kunayman parlapxi. ¿Uka tuqit kamsasmasa? [Kamsanis uk istʼäta.] Kunatsa Marian luratanakapax wali wakiskirïpachänxa ukwa Bibliax qhanañchtʼaski [Mateo 1:20-24 liytʼäta]. Kunjamsa Marian jakäwipat yatiqtʼassna uka tuqitwa aka revistan parlaski.” 16 janankkis uka chiq uñachtʼayäta.

¡Despertad! Diciembre

“Akürunakanxa, Jesusar jachʼañchañawa sasin jaqinakax sapxi. Aka qillqatarjamaxa, ¿Jesusar kunjam jachʼañchañäspaw sasmasa? [Juan 14:15 liytʼäta. Ukat kamsanis uk istʼäta.] Taqiniw Jesusan yurïwipat amtañ munapxi, chiqpachansa janiw khitis yatkiti kuna fechansa Jesusax yuritayna ukxa. Ukhamaxa, ¿kunatsa diciembre phaxsit 25 uru ajllipxpacha? Uk yatxatasax wal muspharasmaxa.” 10 janankkis uka chiq uñxattʼayäta.

Yatiyañataki Enero–Marzo

“Kunayman tuqinakatwa qʼuma sarnaqañatakix jaqinakax wal chʼamachasipxi, ¿kunatäpachas uk yattati? [Kamsanis uk istʼäta.] Kunatsa ukham qʼuma sarnaqañax wali askïpacha ukwa aka chiqan parlaski [1 Pedro 1:16 liytʼäta]. Kunjamatsa qʼuma sarnaqsna uka tuqit amuytʼayir suma yatichäwinakaw aka utji.”

¡Despertad! Enero

“Aka Uraqpachanxa walja uma qutanaka ukat jawiranakaw wañsuski, ukat millón millón jaqinakatakix qʼuma uma jikxatañax wali chʼamawa. ¿Aka jan waltʼäwinakar jaqix askichpachäniti? [Kamsanis uk istʼäta. Ukat Jeremías 10:23 uk liytʼäta.] Aka revistanxa kunjamsa Bibliax uka jan waltʼäwi tuqit qhanañchi uka tuqitwa uñachtʼayaski.”