¿Kunjamsa qullayasïta uk yattati?
Uraqpachanxa walja hospitalanakanwa jan wilamp uchasa operasipki. Jumasti, ¿jan wilamp uchayasisaki qullayasiñatakix kuna yanaptʼanakas utji uk yattati? Wakisiw yatiñamaxa, ukhamatwa kunjamsa qullayasïta, operayasïta uka tuqit mä suma amtar puriñamataki. Ukatakixa nayraqat La negativa a la sangre. La medicina acepta el reto sat video uñjañama. Ukatxa Diosat mayisisaw kunjams qullayasïta ukxa aka jisktʼanakampi yanaptʼayasisax mä amtar puriñama. (Uka video unjkasaxa awk taykanakax jiskʼa wawanakanïpxchi ukhaxa amuytʼasipxañapawa, kunattix yaqhip chiqanakanxa jaqinakaruw operapxi.)
1) ¿Kunatsa Jehová Diosan Qhanañchirinakapax wila janipun uchayasiñ munapki? 2) ¿Qullayasiñ tuqitxa kunsa Jehová Diosan Qhanañchirinakapax munapxi? 3) ¿Qullayasirinakax kuna derechonïpxisa? 4) Kawkïr yanaptʼanakampis qullayasiñäni ukxa suma amuytʼasisaw ajlliñasa, ¿kunatsa? 5) Maynit wilax walj mistuspa ukkhaxa, ¿qullirinakax kunjamsa pä tuqit jankʼaki usutar yanaptʼapxaspa? 6) Wila jan uchayasiñataki yanaptʼanakatxa pusi yanaptʼanakaw utji, ¿kawkïrinakasa? 7) ¿Kunjamsa qullirinakax 1) wila jan sinti mistuñapatakix yanaptʼapxaspa, 2) glóbulos rojos satäkis uk jan ina chʼusar chhaqañapatakix yanaptʼapxaspa, 3) wila utjañapatakix yanaptʼapxaspa ukat 4) wila jan ina chʼusar tukusiñapatakix yanaptʼapxaspa? 8) Kunjamsa akanakax lurasi uka tuqit arstʼma 1) hemodilución ukat 2) wila jan ina chʼusar tukusiñapataki yanaptʼanakata. 9) Wila jan uchayasiñatak yaqha yanaptʼanakax utjki ukanakatxa, ¿kunatsa wal yatxatʼañamax wakisispa? 10) ¿Walja horanak operapxi ukanakansa ukat wali chʼamäki uka kasta operacionanakansa, ¿jan wila uchasaki operapxaspati? 11) ¿Jan wila uchasak operañax kunjams nayrar sartaski?
Biblian yatichäwinakaparjam yatichat concienciasarjamaxa, sapa cristianow videon uñachtʼayaski uka kasta qullayasiñanakampix qullayasiniti janicha uk amtxañapa. Ukhamaxa, jumasa wawanakamasa, kunjamsa qullayasipxäta, ¿uk amtxtati? ¿Directriz Anticipada para la Atención de la Salud (DPA) jan ukax Consentimiento Informado para la Atención Médica (CIAM) uka tarjetar kunjamsa qullayasiñ munta uk qillqantxtati? Janïr uk lurkasaxa, La Atalaya del 15 de junio de 2004 ukat 15 de octubre de 2000 “Preguntas de los lectores” siski uka qillqatanakwa sum amuytʼas liytʼañama. Ukxaruxa, aka qillqatanak liytʼañamarakiwa “¿Qué opino de las fracciones sanguíneas y de los procedimientos médicos que impliquen el uso de mi sangre?”, ukaxa Nuestro Ministerio del Reino de noviembre de 2006 ukankiwa. Uka qillqatanakaw yanaptʼätam kunjamsa qullayasïta uk amtañatakixa. Kunapachati mä amtar purïta ukhaxa tarjeta Directriz Anticipada para la Atención de la Salud (DPA) jan ukax Consentimiento Informado para la Atención Médica (CIAM) ukaruw qillqantxañama. Arxatirinakamasa (representantes) ukat Diosar jan luqtapki uka familiamasa wila tuqit amtanakamatxa yatipxañapawa.
[3 janan recuadropa]
• Jumasa wawanakamasa kunjamsa qullayasipxäta, ¿uk amtxtati?
• Akatjamat chijin uñjasisma ukhaxa, ¿DPA jan ukax CIAM uka tarjetamxa apnaqasipuntati ukat suma qillqanttʼatarakiti?