Revistanakat kunjamsa parltʼasma

Yatiyañataki Julio-Septiembre

“¿Ñanqha ajayunakax jan walinak luristaspati? [Kamsanis uk istʼäta.] Aka ñanqha ajayunakarux Supayaw apnaqi siw Biblianxa [Efesios 2:2 liytʼarapïta]. Kunjamatsa uka ñanqha ajayunakat jarkʼaqassna uka tuqitwa aka yatichäwin qhanañchtʼaski.” 19 janankki uka yatichäwi uñxattʼayäta.

¡Despertad! Agosto

“¿Kunapachatï awk taykasax jiwxapxi ukhax walpunxay llakistanxa? [Kamsanis uk istʼäta.] Walja jaqinakaw Biblian aka jiskʼa tʼaqap liytʼasax chuymachtʼäwi jikxatapxi [Apocalipsis 21:4 liytʼarapïta]. Aka yatichäwinxa wayn tawaqunakax kunjamsa kunayman llakinakar saykatapxaspa uka tuqitwa parli.” 10 janankki uka yatichäwi uñxattʼayäta.

Yatiyañataki Julio-Septiembre

“¿Diosax wajcha wawanakat amtaspachati? [Kamsanis uk istʼäta.] Jïsa Diosax wajchanakat amtasiwa, ukatwa akham sasin satayna [Éxodo 22:22-24 liytʼarapïta]. Kunjamatsa Diosan uka kamachiparjamax phuqsna, uka tuqitwa aka chiqan qhanañchtʼaski.” 31 janankki uka yatichäwi uñxattʼayäta.

¡Despertad! Septiembre

“¿Nayra tiempot sipansa jichha tiempox wayn tawaqunakatak jakäwix wali chʼamaxaya? [Kamsanis uk istʼäta.] Waljanix aka arunak liyisax kuna tiemponsa jakasktan ukwa amuyapxi [2 Timoteo 3:1 liytʼarapïta]. Ukampis awk taykampi wawanakapampix Biblian iwxanakaparjam sarnaqasin kunjamsa nayrar sarantapxaspa, uka tuqitwa aka revistax parlaski.”