Revistanakat kunjamsa parltʼasma

Yatiyañataki Julio-Septiembre

“Biblia liyisaxa Diosax may maya amtanïkaspas ukhamwa walja jaqinakax amuyapxi, ¿jumax kamsasmasa? [Kamsanis uk istʼäta.] Bibliax akham siwa [Malaquías 3:6 liytʼarapïta]. Munasiñapana ukat chiqa kankañapansa Diosax janiw mayjtʼkiti, uka tuqitwa aka yatichäwix parli.” Ukat 28 janankki uka yatichäwi uñxattʼayäta.

¡Despertad! Septiembre

“Jan wali jaqinakarux infiernonsa Diosax castigkaspa ukhamwa yaqhipanakax amuyapxi. Ukat yaqhipanakax apóstol Juanan aka arunakaparux janiw waltʼaykiti sapxarakiwa [1 Juan 4:8 liytʼarapïta]. ¿Jan amuytʼañjamaw sasmati? [Kamsanis uk istʼäta.] Kunjamsa Bibliax uka tuqit qhanañchi ukwa aka yatichäwin amuytʼayi.” 10 janankki uka yatichäwi uñxattʼayäta.

Yatiyañataki Octubre-Diciembre

“¿Jumatakix Bibliat sum yatxatañax chʼamati? [Kamsanis uk istʼäta.] Chiqas waljaniw ukham amuyapxi. Ukampis Bibliat sum amuytʼañassa jakäwisan kunjamsa yanaptʼarakistaspa uk Diosax muni, ukwa aka jiskʼa tʼaqax amuytʼayistu [Salmo 119:130 liytʼarapïta]. Kunjamsa Bibliat jukʼamp yatxatsna uk amuytʼañatakix kimsa tuqitwa aka revistax yatichaski.”

¡Despertad! Octubre

“Jichhürunakanxa taqi familianakaw jachʼa jan ukax jiskʼa jan waltʼäwinakan jikxatasipxi. ¿Taqinixay mä suma yanaptʼa munapxaspaxa? ¿Khitis yanaptʼaspa? [Kamsanis uk istʼäta ukat Salmo 32:8 liytʼarapïta.] Octubre phaxsitak wakiyata ¡Despertad! revistaxa walja iwxtʼäwinakaniwa, ukat kawkïr familianakatï ukarjam lurapxani ukhax wali sum jakasipxani.”