Jisktʼäwinaka

◼ Diosan Arupat akan jan yatiyamti sasin sistaspa ukhaxa, ¿kunsa lurañasa?

Diosan Arup jan akan yatiyapxamti sasaw yaqhip policianakax jilat kullakanakasar sapxatayna, jupanakan amuyuparjamaxa markan kamachinakapsa pʼakintksna ukhamawa. Uk pasani ukhaxa, jankʼakiw jan kutkatasis uka chiqat sarxañasa (Mat. 5:41; Fili. 4:5). Derechonïskstasa janiw jiskhisiñamäkiti ukat janirakiw juma pachpas askichañamäkiti. Yatxatañjamächi ukhaxa, polician placapan numeropsa ukat kawkïr comisariankirisa uksa yatxatasmawa, ukampis ukx wali amuyump lurañamawa. Ukat taman irpir chuymaninakar jankʼakiw yatiyañama, jupanakaw uka tuqit sucursalar yatiyapxani. Edificio uñjirinaka jan ukax ukan pʼiqtʼki ukanakax ukham sistani ukhaxa, jankʼakirakiw uka chiqat sarxañasa ukat irpir chuymaninakar yatiyañasa. Autoridadanakamp llampʼu chuymanïñäni ukhax janiw kuna jan walinakansa uñjaskañäniti (Pro. 15:1; Rom. 12:18).