¿Tantachäwinakan Jehová Diosar qʼuchuñataki wakichtʼatäxtanti?
1 Tantachäwinakataki wakichtʼaskasaxa Diosar yupaychañ qʼuchunak qʼuchuñataki wakichtʼasiñasarakiwa. Aka iwxtʼanakaw yanapistani.
2 Letrxa sum amuyapxañäni. Qʼuchun pʼiqiñchäwipan uñstki uka jiskʼa tʼaqasa, ukhamarak qʼuchun tukuyapar uñstki uka jiskʼa tʼaqanakas Biblian kawkïr chiqanakat apstʼatasa uka qʼuchun letrapax uk amuytʼañasatakiw yanapistu.
3 Yatsuñasawa. Familiana Diosar Yupaychañataki Arumanwa uka machaq qʼuchunak yatsupxaraksna. Tantachäwinakan qʼuchkañäni uka musicampiw uka qʼuchunak yatiqsna. Aymar arut janïr purinkipanxa, español aruta Cantemos a Jehová (coro y orquesta), disco 1 siski uk istʼasaw machaq qʼuchunakan letrapsa, musicapsa yatsusma.
4 ¿Aka seman tukuyax Yatiyañataki sat revistat yatxataskani ukhaxa, Cantemos a Jehová sat qʼuchuñ librot qʼuchuñataki wakichatäñäniti? Kuna tuqitsa uka qʼuchunakax yatichistu uk amuyañatakisa ukat qʼuchunak yatsuñatakis tiempo apstʼasipxañäni ukhax wakichatäñäniwa.