Yatjjatañatak yanaptʼanaka
‘Adorañatak cancionanak’ yatsupjjañäni
Estados Unidos markankir Lorraine kullakajj akham siwa: “Aynachtʼatäkta ukhajja, Jehová Diosajj JW Broadcasting® programan mistki uka cancionanakampiw chʼamañchtʼitu” sasa.
Cristianonakajj nayratpachaw “adorañ cancionanakampi” Diosar jachʼañchapjjäna (Col. 3:16). Jumatï uka cancionanak yatsütajja, cantañatak jan libronïkäta jan ukajj jan celularanïkäta ukhaw yanaptʼiristam. Aka ewjjtʼanakaw cancionanak yatsuñamatakejj yanaptʼiristam:
Cancionajj kamsañs muni uk amuyañatakejj wali amuyump liytʼam. Mä kun sum amuytan ukhajj facilak amtastanjja. Taqpach cancionanakasan letranakapajj jw.org cheqankiwa, JW Broadcasting ukankir cancionanakan letranakapasa, wawanakatak cancionanakan letranakapas ukankarakiwa. Ukatakejj “Biblioteca” siski ukar mantasaw “Cancionanaka” siski ukar mantasma.
Cancionan letrap mä papelar qellqtʼasim. Ukham lurasajj uka cancionan letrap wali sum pʼeqer yatsusma (Deut. 17:18).
Jachʼat cantas practicam. Uka cancionan letrap kutin kutin liytʼam jan ukajj cantam.
Qhawqsa pʼeqemar yatsta uk yantʼam. Letra jan uñjjatasin cantañ yantʼam, ukhamatwa qhawqsa yateqta uk yatïta.