Revistanakat kunjams parltʼasma

Yatiyañataki Julio-septiembre

“Jichhürunakanxa, jaqix kuntï uñjtan ukarjamakiw maynir tariptänxa. ¿Diosax ukhamarakt uñjpachistu? [Kamsanis uk istʼäta.] Uka tuqit kamsis Bibliax uk uñxatañäni [1 Samuel 16:7 liytʼarapïta]. Jehová Diosax chuymaswa uñji, uka tuqitwa aka yatichäwix jukʼamp qhanañchtʼaski.” 15 janan jikxataski uka yatichäw uñxattʼayäta.

¡Despertad! Agosto

“Jichhürunakan utjki uka peliculanakanxa, saxranaka, yatirinaka ukat layqanakax uñstapuniwa. ¿Uka saxranakax utjapunpachati, kamsasmas jumaxa? [Kamsanis uk istʼäta. Ukatxa 1 Corintios 10:20 liytʼarapïta.] Bibliax kamsis saxranakatxa ukat kunjamsa jupanakat jarkʼaqassna ukxa, aka yatichäwinwa jikxatäta.” 20 janankki uka yatichäw uñachtʼayäta.

Yatiyañataki Julio-septiembre

“Waljaniw suegronakapampix jan sum apasipkiti. ¿Suegronakamp sum apassnati? ¿Jumax kamsasmasa? [Kamsanis uk istʼäta, ukat Efesios 4:32 liytʼarapïta.] Kunjamsa suegronakampix sum apassna uka tuqitwa aka yatichäwix Bibliat apstʼat iwxtʼanakamp qhanañchtʼaski.” 23 janankki uka yatichäw uñxattʼayäta.

¡Despertad! Septiembre

“¿Celularanakasa ukat Internetnam parlañasa, correonak aptʼayañasa ukat yaqha ukhamanakas jaqin jan saparstʼat jikxatasiñapatakiw yanaptʼi sasmati jan ukax jukʼampikich saparstʼaypacha? ¿Kamsasmas jumaxa? [Kamsanis uk istʼäta.] Saparstʼat jan jikxatasiñatakix kun lurañasasa [Hechos 20:35 liytʼarapïta]. Ukat kunanakamps lursna ukxa, aka revistaw jukʼamp qhanañchtʼaski.”