Revistanakat kunjamsa parltʼasma

Yatiyañataki Octubre-diciembre

“Jan wali luräwinaka radion istʼta jan ukax televisionans uñjta ukhaxa, inas akham sas jisktʼasirïsta: ‘¿Kunatsa jaqix jan walinak lurpacha?ʼ sasa. ¿Jumax uka tuqit kamsasmasa? [Kamsanis uk istʼäta. Ukatxa, 1 Timoteo 6:10 liytʼarapïta.] 4 janan jikxataski uka yatichäwiw uka tuqit jukʼamp qhanañchaski.”

¡Despertad! Octubre

“Diosax aliq chʼamakïkaspas ukhamwa yaqhipax amuyapxi ukat yaqhipasti Diosax utjapuniw ukat munasiriwa sasaw sapxaraki. ¿Jumax uka tuqit kamsasmasa? [Kamsanis uk istʼäta.] Aka wakiskir arunakwa liytʼarapiñ munarapsma [1 Pedro 5:6, 7 liytʼarapïta]. 29 janan jikxataski uka yatichäwix Bibliarjamaw Diosan utjatap qhanañchtʼaski.”

Yatiyañataki Octubre-diciembre

“¿Kunas jaqinakan kusisitäñapatakix wakisispa? [Kamsanis uk istʼäta. Ukatxa, Mateo 5:3 liytʼarapïta] ukampis ukax mä uñachtʼäwikiwa. Aka yatichäwinwa kunjamsa kusisiñ jikxatsna uk Jesusan iwxtʼanakapat qhanañchaski.” 16 janankir yatichäw uñxattʼayäta.

¡Despertad! Noviembre

“Diosax janiw utjkiti sirinakatxa, yaqhipax akham sasaw sapxi: ‘Religionatï jan utjkaspa ukhax akapachax sumäspawa’ sasa. Ukat yaqhipax Diosan sutipxar jan walinak lurapxi ukarjamaw ukhamanak amuyapxi. ¿Jumax ukhampunïskiw sasmati? [Kamsanis uk istʼäta.] Kunatsa walja yupaychäwinakax jaqinakar tʼaqhisiyapxi uk nayraqat uñachtʼayäma [2 Timoteo 4:3, 4 liytʼarapïta]. Ukampisa, Diosax janiw utjkiti sirinakax pantjasipxarakiwa. Aka revistaw uka tuqit mä qhawqha qhanañchaski.”