Qhanar uchañataki
¿Aka folletonakamp yatiyasktati?
Diosan munasitapäsnawa
Khitinakatï escuela jan tukuyapki jan ukajj jan sum liytʼasiñ yatipki jupanakatakiwa
Kunjamsa aka folletompi yatiysna. “¿Jiwasajj Diosan amigopäsnati? ¿Jumajj kamsasmasa? [Kamsanis uk istʼäta, ukat Santiago 2:23 liytʼarapïta.] Kunjamsa Abrahamjam Diosan amigopäsna ukjj aka folletow qhanañchaski.”
Akham lurarakisma. Wasitat kuttʼkäta ukhajja, kunjamsa Bibliat yatichasi uk uñachtʼayañatakejj nayrïr yatichäwit (jan ukajj mä qhawqhaksa) yatjjatapjjäta.
¿Chiqapuniti Diosax Sum Jakasiñas Munpacha?
Jan waltʼäwin jikjjatasipkäna jan ukajj qollqe toqet pistʼatäsin llakita jikjjatasipki jupanakatakiwa
Kunjamsa aka folletomp yatiysna. “Diosatï sum jakasiñas munchi ukhajja, ¿kunatsa jaqen tʼaqhesitap ukhamak uñchʼukpacha sasin jisktʼasirïtati? [Kamsanis uk istʼäta.] Aka folletojj janiw uka jisktʼaruk qhanañchkiti, jan ukasti kuna jan waltʼäwinakatï jaqenakar tʼaqhesiyki ukat Oraqe jan waltʼayki ukanak kunjamsa Diosajj askichani uks qhanañcharakiwa.” Ukat 27 janat 23 tʼaqap liytʼarapïta ukat uka aynachan jikjjataski uka dibujo uñchtʼayäta, ukatsti Salmo 145:16 liytʼarapïta ukajj 22 tʼaqan jikjjatasi. Folleto churarakismawa.
Akham lurarakisma. Utanitï folleto katoqaschinejja, akham sasaw wasitat kuttʼañamatakejj jisktʼasma: “¿Kunjamsa Diosajj amtap phoqani ukat kunjamsa aka Oraqe mä paraisor tukuyani uk yatiñ munasmati?” sasa.
Jiwatanakan ajayunakapa
Khitinakatï jiwatanakar ajjsarapki jupanakatakiwa
Kunjamsa aka folletompi yatiysna. “Maynejj jiwjje ukhajj kawkhantï ajayunakajj jakapki ukaruw sarjjapjje sasaw waljanejj sapjje. ¿Jumajj kamsasmasa? [Kamsanis uk istʼäta.] Jiwapki ukhajj kunjamäsipkis jiwatanakajj ukjja Bibliaw sum qhanañchtʼistu [Eclesiastés 9:5, 10 liytʼarapïta]. Kuna suytäwis jiwatanakatak utjani, kunapachatï paraisoptayat Oraqen jaktanipkani ukhajja, uka toqetwa aka folletojj qhanañchtʼistu. Ukat kunjamsa ñanqha ajayunakat jarkʼaqasna uks qhanañcharakistuwa.”
Akham lurarakisma. Kuttʼkäta ukhajja, kuna toqetjjay qalltan parlawayapjjsta ukarjamaw Kunsa yatichi sat librot 6, 7 jan ukajj 10 yatichäwit yatjjatapjjasma.
Maynix jiwxi ukhax kamachsnasa
Familiapatsa jan ukajj amigopats maynejj jiwjjchi jupanakatakiwa
Kunjamsa aka folletompi yatiysna. “Aka folletompiw yatiyasipkta ukat khitinakantï jiwirinïpki uka jaqenakaruw chuymachtʼawayi ukat kuna suytʼäwis jiwatanakatak utji uks qhanañcharakiwa. ¿Jiwatanakatakejj suytʼäwejj utjpachati sasin jisktʼasirïtati? [Kamsanis uk istʼäta.] Jiwatanakajj jaktanipjjaniwa sasinjj qhanwa Bibliajj yatichistu.” Juan 5:28,29 liytʼarapïta. Folleto janjasinjja, 27 janan jikjjataski uka qhepa tʼaqat qhanañchtʼäta. Ukat 31 janan jikjjataski uka foto uñachtʼayäta, folleto churarakismawa. Wasitat kuttʼañatakejj akham sasaw jisktʼasma: “¿Jiwañajj janipuniw utj-jjaniti sasajj kunatsa sissna?” sasa.
Akham lurarakisma. Utanitï folleto katoqaschinejja, akham sarakismawa: “Yaqha uruw uka jisktʼar qhanañchañatakejj kunttʼanirista” sasa. Ukat kuttʼasajja, 5 janat 4 tʼaqap yatjjattʼapjjäta.
Kunjamatsa wali kusisit jakassna
Khitinakatï jan religionanïpki jupanakatakiwa
Kunjamsa aka folletompi yatiysna. “Waljaniw wali kusisita jakasiñ munapjje. Ukampis taqeniruw awisajj jan waltʼäwinakajj llakisiyistaspa. Ukat uk paskistu ukhajja, inas mä familiarampis jan ukajj mä amigompis parlstan, inas mä libro liystan jan ukajj Internetan ewjjanak thaqstan. ¿Kunas jumarojj yanaptʼawaytamjja? [Kamsanis uk istʼäta.] Yaqhepajja, Biblian wali suma ewjjtʼanak jikjjatasajj wal muspharapjje. Akat amuytʼañäni [payïr yatichäw uñjjattʼayam ukat Bibliat apstʼat mä jiskʼa tʼaq liytʼarapim]. Aka folletow kunjamsa kusisit jakassna uk qhanañchtʼaski.”
Akham lurarakisma. Jupatï folleto katoqaschinejja, akham sarakismawa: “Inas jumajj akham siri istʼirïsta, Bibliajj may may parli sasa. Kunjamsa Bibliajj ciencia toqet cheq parlatap uñachtʼayi ukwa kuttʼankä ukhajj jumamp parltʼañ munirista” sasa. Kuttʼkäta ukhajja, 12 janat 4 tʼaqapat qhanañchtʼäta.