Wawanakar yatichañatakejja jw.org cheqajj wali askiwa
1. ¿Kuna amtampis jw.org cheqan “Niños” siski ukajj wakichtʼasiwayi?
1 Internetan jw.org cheqajj taqenitakjam wakichtʼatawa. Sañäni: español arun “Niños” (Enseñanzas bíblicas > Niños siski uka cheqar mantam) siski uka cheqajja, wawanakajj awk taykanakapampi mayachtʼatäpjjañapataki ukat Jehová Diosamp jukʼamp sum apasipjjañapatakiw yanaptʼi (Deu. 6:6, 7). ¿Kunjamsa ukampejj wawanakamar yatichañatak yanaptʼayasisma?
2. Sapa mayni wawanakamampejj kunsa yatjjatapjjasma uk ¿kunjamatsa amuyasma?
2 Amuytʼañamawa. Wawanakajj janiw taqenis mä pachpäpkiti (1 Cor. 13:11). Ukhamajja, sapa maynimpejj kunsa yatjjatapjjasma uk ¿kunjamatsa amuyasma? Qawqha maranisa ukat kun lurañs munaspa ukarjamaw amuytʼañama. Ukhamarus kunsa amuyaspa ukat qawqha minutonaksa sum istʼaspa uksa amuyañamarakiwa. Ukat “Mis primeras lecciones de la Biblia” siski uka yatichäwinakajja, kimsa maranïpki jan ukajj minus maranïpki ukanakatakejj wali askiwa. “De padres a hijos” siski ukanjja, Bibliat apstʼat walja sarnaqäwinakaw utji, ukat ukajj wawanakatakejj munkañarakiwa. Kuna yanaptʼanakampis jw.org cheqan utji uk jichhajj yatjjatañäni.
3. “Ideas para la adoración en familia” siski ukampejj ¿kunjamsa awk taykanakajj Bibliat apstʼat sarnaqäwinakampi ukat yaqha yatichäwinakampi wawanakapar sum yatichapjjaspa?
3 Ideas para la adoración en familia. Ukhanjja, familia pʼeqtʼirinakatakejj walja yanaptʼanakaw utji. “Descargar” siski uka cheqar chʼetjjtayam, ukatsti “Guía para los padres” siski uk liytʼam ukhamatwa kunjamsa Bibliat apstʼat sarnaqäwinakampi ukat yaqha yatichäwinakampis jukʼamp sum yatichasma uk amuytʼäta. Jiskʼa wawanakamarojj dibujonak pintañatak utjki (actividades ilustradas) ukampiw yatichasma. Ukat jachʼpachäjjapjje ukanakarojj jukʼamp yatjjatapjjañapatak (proyectos de investigación) utjki ukampiw yatichasma. “Guía para los padres” siski uka hojan jikjjataski uka qhanañchtʼäwinakajja, Bibliankir pachpa sarnaqäwitwa jan ukajj pachpa yatichäwitwa qhanañchi. Ukhamatwa familpachajj taqeni yateqapjjasma.
4. “Hazte amigo de Jehová” siski uka cheqanjja, ¿kuna yanaptʼanakas utji?
4 Hazte amigo de Jehová. Ukhanjja, videonaka, cancionanaka ukat yaqha lurañanakampiw utji, ukat ukanakajj awk taykanakaruw jiskʼa wawanakapar Bibliat yatichapjjañapatak yanaptʼi (Deu. 31:12). Uka jiskʼa videonakajja, wawanakarojj wali askinakwa yatichi ukat lurañatak utjki ukajja, uka yatichäwinak wasitatwa amtayi. Niyakejjay jupanakat jilapartejj cantañ wal munapjjchejja, cancionanakajj kuntï yateqapki uk amtañatakiw yanaptʼi, ukatwa yaqheppachajj Diosar qʼochuñataki ukat wawanakatakjam cancionanakajj mistu.
5. ¿Kunatsa awk taykanakajj wawanakapar Bibliat yatichañatakejj Jehová Diosar yanaptʼa mayipjjañapa?
5 Awk taykanaka, Jehová Diosajj suma awk taykäpjjañamwa muni. Ukatwa wawanakamar Bibliat yatichapjjañamatakejj Jupar yanaptʼa mayipjjañama (Jue. 13:8). Ukhamatwa, wawanakamarojj ‘iyawsäwinïpjjañapataki ukat qhespipjjañapataki’ yanaptʼapjjäta (2 Tim. 3:15; Pro. 4:1-4).