Yatiyañatak yanaptʼanaka

Jesusan jiwäwip amtañatakejj akham sasaw invitación chursna

“Kamisaraki. Mä wakiskir tantachäwir jutañamatakiw invittʼañ munsma. Abril phajjsit 14 urunak saraqataruw Jesucriston jiwäwip amtañatak millón millón jaqenakajj oraqpachan tantachasipjjani. Uka tantachäwinjja Bibliat apstʼat mä arstʼäwiw utjani, ukanwa kunjamsa Jesusan jiwäwipajj yanaptʼistu uk qhanañchasini. Uk istʼañatakejj janiw qollqejj mayiskaniti. Aka invitacionanwa kawkhankanisa ukat kuna horarus apasiskani ukajj qhanañchasiski.”

Yatiyañataki Abril 1

“Jichhürojja, Diosar mayisiñ toqetwa jaqenakamp mä rato parltʼasipkayäta. Kawkïr religionankasipkpasa, niya taqeniw Diosarojj oracionan awisajj mayisipjje. Ukampis ¿Diosajj mayisitanakaru istʼpachati, jan ukajj sum jikjjatasiñatakikich oracionajj yanaptʼpachïstu? [Kamsanis uk istʼäta.] Uka toqet Bibliajj kamspachasa uk uñjañäni. [1 Juan 5:14 liytʼäta.] Diosar mayisiñajj kunja wakiskirisa ukwa aka revistajj qhanañchaski.”

¡Despertad! Abril

“Jichhürunakanjja, walja jaqenakaw jan walin uñjasisajj jiwayasiñ amtjjapjje. Jupanakar yanaptʼañ amtampiw visittʼasipkta. ¿Jupanakajj cheqapunit jiwañ munapjjpacha, jan ukajj jan sinti llakisjjañatakich ukham amtapjjpacha? [Kamsanis uk istʼäta.] Bibliankir aka qellqataw waljanirojj llakimp jan aynachtʼapjjañapatak yanaptʼawayi. [Apocalipsis 21:3, 4 liytʼäta.] Jan walinakan uñjaskasas kunjamsa llakimp jan aynachtʼksna ukwa aka revistan kimsa toqet qhanañchaski.”