Yatiyañatak yanaptʼanaka

Jesusan jiwäwip amtañatakejj akham sasaw invitación chursna

“Kamisaraki. Mä wakiskir tantachäwiruw invittʼañ munsma. Abril phajjsit 3 urunak saraqataruw Jesucriston jiwäwip amtañataki millón millón jaqenakajj oraqpachan tantachasipjjani. Ukanjja Bibliat apstʼat mä arstʼäwiw utjani, ukanwa kunjamsa Jesusan jiwäwipajj yanaptʼistu uk qhanañchasini. Uk istʼañatakejj janiw qollqejj mayiskaniti. Aka invitacionanwa kawkhankanisa, kuna horarus apasiskani ukajj qhanañchasiski.”

Yatiyañataki Marzo 1

“Abril 3 uru saraqataruw Jesusan jiwäwipajj amtasini. Yaqhepajj uk amtañatakiw tantachasipjjani. Ukampis yaqhepajj Jesusan jiwäwip janiw askit uñjapkiti. ¿Jumajj kamsasmasa? ¿Jesusan jiwatapas jaktatapas yanaptʼistaspati? [Kamsanis uk istʼäta.] Uka toqet Bibliajj kamsisa uk uñjañäni [1 Corintios 15:22, 26 liytʼäta]. Jesusan jiwatap laykojja, jutïrin jan mayampitakiw jiwañajj chhaqtayatäjjani, uka toqetwa aka revistajj qhanañchaski.”

¡Despertad! Marzo

“Vecinonakaruw mä rat visittʼasipkta, aka ¡Despertad! revista jaytañataki. [Nayrïr janap uñjjattʼayäta.] Diosajj utjiti, janicha uk sapa mayniw mayj amuyapjje. Jumatakejj ¿khitinakas jutïr urunak kusisit suyapjje, Diosar creyirinaka jan ukajj jan creyirinakacha? [Kamsanis uk istʼäta.] Jutïr urunakat Bibliajj kamsisa ukwa may uñachtʼayañ munsma, ukajj waljaniruw mä suma suytʼäw churi [Salmo 37:10, 11 liytʼäta]. Diosajj cheqapunit utji janicha uk yatjjatañajj kunatsa wakisi ukwa aka revistajj pusi toqet qhanañchaski.”