¿Kunjamsa 1914 mara toqet kunanaktï creyktan uk qhanañchtʼsna?
Kunanaktï jiwasajj creyktan ukanak ‘suma chuymampi ukat respetompi’ arjjatañataki wakichtʼatäpjjam sasaw Bibliajj ewjjtʼistu (1 Ped. 3:15). Cheqas Biblian yaqhep yatichäwinakap jaqenakar amuytʼayañajj chʼamakiwa, ukanakat maynïrejj akawa: Diosan Reinopajj 1914 marat apnaqañ qalltjjatap kunjamatsa yattanjja, uk amuytʼayañajj chʼamawa. Ukatwa Yatiyañataki revistan “Jehová Diosan Qhanañchiripampiw parltʼaski: ¿Kunapachas Diosan Reinopajj apnaqañ qalltjje?” sat pʼeqeñchäwini yatichäwejj pä revistanakan qhanañchasiskani. Uka revistanakampejj octubre ukat noviembre phajjsinakanwa yatiyaskañäni. Uka yatichäwinak liytʼkäta ukhajja, kunjamsa Julio jilatajj vecinopar amuytʼayi ukjja, aka jisktʼanakarjamaw amuytʼañama.
¿Kunjamsa...
... walikpun ukham lurtajja sasin kuntï yatiñ munkäna ukarjamajj yatichtʼi? (Hech. 17:22.)
... kunanaktï creyki uk qhanañchtʼkasajj altʼat chuymanïtap uñachtʼayi? (Hech. 14:15.)
¿Kunatsa...
... yaqha toqet janïr parlkasajj mä jukʼanak amthaptʼayañajj askïna?
... amuyaskiti janicha uk yaqheppachajj Ernestor jisktʼañajj askïna?
... mä kuti visitʼkasin walja toqenakat yatichañajj jan askïkäna? (Juan 16:12.)
‘Suma Yatichiri’ Jehová Dios Awkisarojj walpun yuspärtanjja, kunattejj Jupaw Biblian kuna yatichäwinakatï amuytʼayañajj chʼamäki uk yateqañ munirinakar sum amuytʼayañatak yanaptʼistu (Isa. 30:20).