“Diosan arunakap chuymamar katoqam”

Awk taykanakajja, uwij awatirinakar uñtasitäpjjewa. Jupanakajj wawanakaparuw uñjapjjañapa, kunatejj mä uwijar uñtasitaw wawanakapajj maysar saranukuspa ukat jan walinakan yantʼataw uñjasipjjaspa (Pro. 27:23). ¿Kunjamsa awk taykanakajj wawanakapar yanaptʼapjjaspa? Sapüruw jupanakampi parltʼasiñatakejj tiempo apstʼasipjjañapa, ukhamat wawanakapajj kuna amuyunïpjjesa ukat chuymapan kunas utji ukanak yatipjjani (Pro. 20:5). Ukhamtï lurapjjani ukhajja, wawanakapar Diosar jukʼamp confiyapjjañapatakiw yanaptʼapjjani (1 Cor. 3:10-15). “Diosan arunakap chuymamar katoqam” sat videojj kunatsa familiana Diosar yupaychañ aruma apasiñapajj wali wakiskiripuniwa, uka video familpach uñtapjjam ukat aka aynachan utjki uka jisktʼanakar qhanañchapjjañapatakiw jupanakar jisktʼäta.

1) ¿Kunas Tomás sat jilatan familiaparojj ajay toqen aynachtʼayaskäna? 2) ¿Kunatsa Tomás jilatan familiana Diosar yupaychañataki aruma sarayatapajj aynachtʼäna? 3) ¿Biblian kawknïr qellqatas awk taykanakar wawanakapar uywañatak yanaptʼaspa? (Deu. 6:6, 7.) 4) ¿Kunas familian sum parltʼasiñatakejj yanaptʼaspa? 5) Wawanakapar sum uñjañatakejja, ¿kunsa awk taykanakajj lurapjjañapa? 6) Tomás jilatan familiaparojja, ¿kunjamsa Martín jilatasa ukat warmipas yanaptʼawayapjje? (Pro. 27:17.) 7) Familiana Diosar Yupaychañataki Aruma sum apasiñapatakejja, ¿kunatsa familia pʼeqtʼirejj janïräkipan wakichtʼasiñapa? 8) ¿Kunsa Tomás jilatajj familiapar ajay toqen yanaptʼañatakejj luräna? 9) ¿Kunatsa familiana Diosar yupaychañ arum jan jaytas lurapjjañasa? (Efe. 6:4.) 10) Familiana Diosar yupaychaña arumanjja, ¿kuna toqenakatsa yatjjatsna? 11) Marcos yoqapar kunatï cheqäki ukanak lurañapatakejja, ¿kunjamsa Tomás jilatajj jan pächasisa ukat jan chuym ustʼayas yanaptʼawayi? (Jer. 17:9.) 12) Tomás jilatasa ukat warmipasa, ¿kunjamsa Andrés waynampi sarnaqañajj jan walïtap Rebeca phuchapar amuytʼayapjjäna? (Mar. 12:30; 2 Tim. 2:22.) 13) Tomás jilatasa ukat warmipas Diosar iyawsapjjatapjja, ¿kunjamsa luratanakapampi uñachtʼayapjjäna? (Mat. 6:33.) 14) Ajay toqen familiapar yanaptʼañ waktʼatapjja, ¿kunjamsa aka videojj familia pʼeqtʼirinakar uñachtʼayi? (1 Tim. 5:8.) 15) ¿Kunsa familia pʼeqtʼirjamajj lurañ amtawayta?

AKAJJ AWK TAYKANAKATAKIWA: Aka dramajja, 2011 kimsa uru jachʼa tantachäwinwa uñachtʼayasïna. Ukhamajj kunatsa familjam Diosar yupaychañajj wali wakiskiri uk qhan amuyawaypachätajja. Ukampis inas mayjtʼäwinak lurañamajj wakisiskakchi, mirä ampsuma Diosar taqe chuyma uka toqet mayisim. Ukhamatwa wiñayataki familiamar yanaptʼäta (Efe. 5:15-17).