**Jukʼamp sum yatiyañataki: Kunsa yatichi sat libro jaytañatak chʼamachasiñäni**

Kunatsa uk lurañajj wakisi. Kunsa yatichi sat librompiw jilapart yatichtanjja. Ukhamajj uka librompi jaqenakar yatichañatakejja, nayraqatajj uka libro jaytañaw wakisi. Ukatwa uka librompi sum yatiyañatakejj taqen chʼamachasiñasa (Pro. 22:29). Walja toqenakatwa uka librompejj yatiysna, ukampis territoriosarjamaw wali sum wakichtʼasiñasa.

Kunjamsa uk lursna:

Mä jaqen yatjjatañ munañapatakejja, libron jaljanakaparjamaw mä jisktʼa lursna. Jan ukajj sapa jalja qalltan utjki, uka jisktʼanakat may ajlltʼaraksna. Utanin jaysäwip istʼasajja, Biblian mä jiskʼa tʼaqap liytʼarapsna ukat mä qawqha minutonakanwa libron mä tʼaqapat yatjjatsna.
Maysa toqetjja, qallta yatichäwinakampiw yatiyañ qalltsna. Ukhamat jaqenakajj yatjjatañ munapjjañapataki ukat Bibliajj uka toqet kamsisa, ukwa librot uñachtʼaysna. Amuytʼañataki, kuna jan wali yatiyäwinakas utji uka toqet parltʼasajja, walja jaqenakaw akham jisktʼasipjje sasaw 3 janan utjki uka jisktʼanak uñachtʼayaraksna. Jan ukajj inas akham saraksna: ‘Jaqenakaruw mä ratu visittʼasipkta, ukhamat wali suma suytʼäwinakat parlañataki’ sasa. Ukatakejj 4 ukat 5 janapan jikjjataski uka fotonak uñachtʼaysna, ukat akham sasaw jisktʼsna: “¿Kawnïr phoqasiñapsa jumajj munasma?” sasa. Jan ukajj akham saraksnawa: ‘Vecinonakaruw mä ratu visittʼasipkta, ukhamat jupanakampi aka jisktʼanakat parltʼañataki’ sasa. Ukjjarojja, 6 janan jikjjataski uka jisktʼanak uñjjattʼaysna ukat kawkïr jisktʼatsa yatjjatañ munasma sasaw saraksna.
Kunsa yatichi sat librompi cheqak yatichañ qalltañatakiw chʼamachasiñasa. Ukatakejj akham sasaw qalltsna: “Vecinonakaruw aka libro jaytasipkta, ukhamat jupanakajj Bibliat yatjjatapjjañapataki, jumajj aka qellqat ¿uñjirïtati? [Kamsanis uk istʼäta.] Jumatï tiemponïsmajja, kunjamsa aka qellqatampi juma pachpa Bibliat yatjjatasma ukwa uñachtʼayirïsma” sasa.

Aka phajjsejj ak lurañatak chʼamachasiñäni:

Familiana Diosar yupaychañataki arumanwa, uka toqet yatsuñasa.
Mayni yatiyir masisampi, yatiyir mistuñäni ukhajja, kunjamsa uka librompi yatiyañ qalltañäni uk sañasa (Pro. 27:17). Ukampis ukham yatiyasajj jan askinak jikjjatkañäni ukhajja, jankʼakiw mayjtʼayañasa.