Jisktʼäwinaka

◼ Yateqerisarojj ¿kunapachas Bibliat jan yatichjjsna?

Yateqerisatï jan ajay toqen jiltkani ukapachajja, jan chuym ustʼayasaw jupar ‘janiw Bibliat yatjjatjjañäniti’ sasin sañasa (Mat. 10:11). Janïr jaytkasajj akham jisktʼasiñasa: ‘¿Kuna horasarutï yatjjatañ amtktan ukar phoqeti? Yatjjatañatakejj janiräkipanti ¿wakichtʼasi? ¿Tantachäwinakar may kutis jutiti? ¿Kuntï yateqki uk mayninakar parliti? Biblian yatichäwinakaparjam sarnaqañatak ¿chʼamachasiti?’ sasa. Ukampis yateqerinakajj janiw mä pachpak ajay toqen nayrar sartapkiti, yaqhepajj chuymanëjjapjjewa, yaqhepasti janiw jankʼaki yateqapkiti uk amuyañasapuniwa. Jiwasatï Bibliat yateqerisar jaytañ amtstan ukhajja, janiw wiñayatakis jupar jaytksna ukham amuyayañasäkiti (1 Tim. 2:4).