¿Kunjamsa kimsa uru jachʼa tantachäwitak invitación lakirañäni?

Kimsa uru jachʼa tantachäwin ajay toqet chʼamañchtʼasiñatakejj sapa maraw wali kusisita suytanjja. Jehová Diosajj kunja munasirisa uk yaqha jaqenakan yatipjjañap muntanjja, ukhamajj taqenir invittʼañatakiw chʼamachasiñasa (Sl 34:8). Kunjamsa invitacionanakajj taqenir lakirasispa ukjja, tamankir irpir chuymaninakaw amtjjapjjañapa.

AKANAK JANIPUN ARMASIÑÄNITI

• ¿Kuna phajjsis kimsa uru jachʼa tantachäwejj apasini?

• Invitación lakirañajj ¿kunürutsa tamajan qalltani?

• ¿Kunürunakas yatiyir sarañataki tantachäwinakajj apasiskani?

• ¿Kunürunakas invitación lakirir saräjja?

• ¿Khitinakarus invittʼäjja?

¿KUNJAMSA INVITACIÓN CHURSNA?

Arunttʼasinjja, inas akham sissna:

“Mä jachʼa tantachäwitakiw aka invitación oraqpachan lakirasipkta. Kawkhankanisa, kuna phajjsïnisa ukat kuna horanisa ukanakajj aka invitacionan qhanañchaski. Jutätawa” sasa.

YANAPTʼASKAKIÑASAWA

Kimsa uru jachʼa tantachäwir walja jaqenak jutapjjañap muntanjja, ukampis khitinakatï sum istʼapkistu ukanakat janiw armasiñasäkiti, yanaptʼañasawa.

Seman tukuyanakajja, revistamp chikwa invitacionanak chursna.