Jakäwisan Jehová Diosar servipjjañäni

Jakäwejj Jehová Diosan mä suma regalopawa. Ukhamajj Diosar servisaw uka regalo wali valoranit uñjatas uñachtʼaysna. Jehová Diosan Testigonakapajja, kuntï lurañ yatktan ukanakamp Diosar jachʼañchañwa muntanjja (Sl 36:9, NM; Apo 4:11). Ukampis sapüru jan walinak utjatap laykojja, janiw Jehová Diosar taqe chuyma sirvjjsnati (Mr 4:18, 19). Ukatwa taqeni akham sasin jisktʼasiñasa: “¿Jakäwijan Jehová Diosar serviñat nayranki? (Os 14:2). Trabajojasa kuntï yateqaskta ukasa, ¿Diosampi sum apasiñatakit yanaptʼitu? ¿Diosar serviñatakejj kunampsa luriristjja? ¿Kunjamsa jukʼamp yatiyiristjja?” sasa. Jehová Diosar jukʼamp serviñatakejja, juparuw yanaptʼa mayisiñasa, ukatjja ukarjam lurañatakiw chʼamachasiñasaraki. Diosar serviñajj kusisita kʼuchiki jakasiñatakiw yanaptʼistani (Sl 61:8).

KUNTÏ LURAÑ YATKTA UKAJJ JEHOVÁ DIOSAR SERVIÑATAKÏÑAPAWA SAT VIDEO UÑTASAJJA, AKA JISKTʼANAKARUW QHANAÑCHTʼAPJJÄTA:

• ¿Kunatsa kuntï lurañ yatktan ukanakamp Diosar serviñasa? (1Jn 2:17).

• ¿Jehová Diosar taqe chuyma servipki ukanakajj ¿kuna bendicionanaksa katoqapjje?

• Kuntï lurañ yatkta ukanakampejj ¿kunjamatsa Diosar jukʼamp servisma?